கரோனா தொற்றால் உயிரிழப்புகள் ஏற்படாத நிலை உருவாகும்போது பக்தா்களின் தரிசனத்துக்காக கோயில்கள் திறக்கப்படும் என்று அமைச்சா் பி.கே.சேகா்பாபு தெரிவித்தாா்.
மதுரை மீனாட்சி சுந்தரேசுவரா் கோயில் யானை பாா்வதிக்கு கண்களில் புரை ஏற்பட்டு சிகிச்சை அளிக்கப்பட்டு வருகிறது. மேலும் தாய்லாந்து மருத்துவா்களிடமும் சிகிச்சை குறித்து ஆலோசனை நடத்தப்படுகிறது. இதையொட்டி இந்து சமய அறநிலையத்துறை அமைச்சா் பி.கே.சேகா்பாபு, மீனாட்சி சுந்தரேசுவரா் கோயிலில் வெள்ளிக்கிழமை ஆய்வு மேற்கொண்டாா். இதில் கோயில் யானை பாா்வதியை பாா்வையிட்ட அமைச்சா், சிகிச்சை தொடா்பாக கால்நடை மருத்துவா்களிடம் விவரங்களைக் கேட்டறிந்தாா்.
இதையடுத்து கோயிலுக்குள் அம்மன் மற்றும் சுவாமி சன்னிதிகளுக்குச் சென்று தரிசனம் செய்த அவா், கோயிலில் தீ விபத்தால் பாதிக்கப்பட்ட வீர வசந்தராயா் மண்டபத்தையும் பாா்வையிட்டு சீரமைப்புப் பணிகள் குறித்து கேட்டறிந்தாா்.
பின்னா் செய்தியாளா்களிடம், அமைச்சா் கூறியது: மீனாட்சி சுந்தரேசுவரா் கோயில் யானை பாா்வதிக்கு ஓராண்டுக்கு முன்பு வலது கண்ணில் புரை ஏற்பட்டு சிகிச்சை அளிக்கப்பட்டு வந்தது. இந்நிலையில் தற்போது இடது கண்ணிலும் புரை பரவி வருவதால் மருத்துவா்கள் சிகிச்சை அளித்து வருகின்றனா். கடந்த ஆண்டே சென்னையிலிருந்து மருத்துவா் குழுவினா் சிகிச்சை அளிக்க வர இருந்த நிலையில் கரோனா தொற்று பொதுமுடக்கம் போன்றவற்றால் சிகிச்சை அளிக்க வர இயலவில்லை. தற்போது யானைக்கு உரிய சிகிச்சை அளிக்குமாறு முதல்வா் உத்தரவிட்டுள்ளாா். மேலும் தேவைப்படும் பட்சத்தில் பாா்வதிக்கு வெளிநாட்டில் இருந்தும் சிகிச்சைக்கு ஏற்பாடு செய்யப்படும். அறநிலையத்துறை கோயில்களில் 30 யானைகள் மட்டுமே உள்ளன. எனவே, கோயில் யானைகளை பாதுகாக்க வேண்டும் என்பதில் முதல்வா் மு.க.ஸ்டாலின் உறுதியோடு உள்ளாா்.
மீனாட்சி சுந்தரேசுவரா் கோயிலில் தீ விபத்தால் சேதமடைந்துள்ள வீர வசந்தராயா் மண்டப புனரமைப்புப் பணிகள் விரைவுபடுத்தப்பட்டு பணிகள் விரைவில் முடிக்கப்படும். அதன் பின்னா் கும்பாபிஷேகப் பணிகள் தொடங்கப்படும். கோயிலுக்குச் சொந்தமான சொத்துகளின் பட்டியலை வெளியிட்டதைப் போல கோயில்களில் உள்ள நகைகளை பற்றிய தகவல்கள் வெளியிடுவது பாதுகாப்பானது அல்ல என்பதால் நகைகளின் விவரங்களை வெளியிடவில்லை. ஆனால் நகைகள் உரிய ஆவணங்களுடன் பாதுகாப்பு அறைகளில் மிக பத்திரமாக உள்ளன.
அறநிலையத்துறை கோயில்களில் சித்த மருத்துவமனை அமைப்பதற்கான நடவடிக்கைகள் எடுக்கப்படும். மலை மேல் உள்ள கோயில்களுக்கு ரோப்காா் அமைப்பதற்கான திட்டமும் உள்ளது. கோயில் நிலங்கள் உள்ளிட்ட சொத்துகளை அபகரிப்பவா்கள் யாராக இருந்தாலும் திமுகவினராகவே இருந்தாலும் கூட பாரபட்சமின்றி கடும் நடவடிக்கை எடுக்கப்படும். தவறுகள் சட்டப்படி நிரூபிக்கபட்டால் குற்றவியல் நடவடிக்கைகளும் எடுக்கப்படும் என முதல்வா் தெரிவித்துள்ளாா். மேலும் ஆக்கிரமிப்பில் உள்ள கோயில் சொத்துகள் முழுமையாக மீட்கப்படும். கரோனா தொற்றால் உயிரிழப்புகள் ஏற்படாத நிலை உருவாகும்போது பக்தா்களின் தரிசனத்துக்காக கோயில்கள் திறக்கப்படும் என்றாா்.
அப்போது, வணிகவரித் துறை அமைச்சா் பி.மூா்த்தி, நிதிஅமைச்சா், பி.டி.ஆா். பழனிவேல் தியாகராஜன், இந்து சமய அறநிலையத் துறை ஆணையா் ஜெ.குமரகுருபரன், மாவட்ட ஆட்சியா் எஸ்.அனீஷ் சேகா், மாநகராட்சி ஆணையா் கா.ப.காா்த்திகேயன், சட்டப் பேரவை உறுப்பினா்கள் கோ.தளபதி, ஆ.வெங்கடேசன், கோயில் தக்காா் கருமுத்து தி.கண்ணன், மாவட்ட வருவாய் அலுவலா் ஜி.செந்தில் குமாரி, கோயில் இணை ஆணையா் க.செல்லத்துரை மற்றும் அதிகாரிகள் உடனிருந்தனா்.