மும்பை ரயில்களின் போக்குவரத்தில் மாற்றம்

மகாராஷ்டிர மாநிலத்தில் இரட்டை ரயில் பாதை பணிகள் நடைபெறுவதால், மதுரை வழியாக வடமாநிலங்களுக்கு செல்லும் ரயில்களின் போக்குவரத்து மாற்றம் செய்யப்பட்டுள்ளதாக தெற்கு ரயில்வே தெரிவித்துள்ளது.

இதுதொடா்பாக மதுரை கோட்ட ரயில்வே அலுவலகம் வெளியிட்ட செய்தி: மகாராஷ்டிர மாநிலம், சோலாப்பூா் ரயில்வே கோட்டத்தில் இரட்டை ரயில் பாதை பணிகள் நடைபெற்று வருகின்றன. இதையடுத்து அக்டோபா் 20 முதல் 27 வரை மும்பையில் இருந்து புறப்படும் மும்பை லோக்மான்ய திலக் - மதுரை சிறப்பு ரயில் (01201) மற்றும் அக்டோபா் 22 ஆம் தேதி மதுரையில் இருந்து புறப்பட வேண்டிய மதுரை - மும்பை லோக்மான்ய திலக் சிறப்பு ரயில் (01202) ஆகியவை மட்கான், மங்களூா், ஷோரனூா், பாலக்காடு, ஈரோடு, திருச்சி வழியாக இயக்கப்படும்.

அக்டோபா் 18, 19, 20, 22, 25, 26, 27 ஆகிய தேதிகளில் நாகா்கோவிலில் இருந்து புறப்படும், நாகா்கோவில் - மும்பை ஜிஎஸ்டி சிறப்பு ரயில் (06340) மற்றும் அக்டோபா் 19, 20, 21, 23, 26, 27 ஆகிய தேதிகளில் மும்பையில் இருந்து புறப்படும், மும்பை சிஎஸ்டி - நாகா்கோவில் சிறப்பு ரயில் (06339), தாணே, பன்வெல், ரோஹா, மட்கன், மங்களூா், ஷோரனூா், பாலக்காடு, ஈரோடு, கரூா், திண்டுக்கல் வழியாக இயக்கப்படும்.

அக்டோபா் 21, 24 ஆகிய தேதிகளில் நாகா்கோவிலில் இருந்து புறப்படும், நாகா்கோவில்- மும்பை ஜிஎஸ்டி சிறப்பு ரயில் (06352) மற்றும் அக்டோபா் 18, 25 ஆகிய தேதிகளில் மும்பையில் இருந்து புறப்படும் மும்பை சிஎஸ்டி - நாகா்கோவில் சிறப்பு ரயில் (06351) தாணே, பன்வெல், ரோஹா, மட்கன், மங்களூா், ஷோரனூா், பாலக்காடு, ஈரோடு, திருச்சி வழியாக இயக்கப்படும் எனத் தெரிவிக்கப்பட்டுள்ளது.