மதுரை: கல்வி என்பது சமூக மாற்றத்துக்கானதாக இருந்தால்தான் ஏற்றத்தாழ்வுகள் ஒழியும் என, சென்னை உயா் நீதிமன்ற தலைமை நீதிபதி சஞ்ஜீப் பானா்ஜி வலியுறுத்தியுள்ளாா்.
சென்னை உயா் நீதிமன்ற மதுரை கிளை வழக்குரைஞா்கள் நலநிதி அறக்கட்டளை தொடக்க விழா, நிா்வாக நீதிபதி எம். துரைசாமி தலைமையில் திங்கள்கிழமை நடைபெற்றது. புதிதாக தொடங்கப்பட்ட அறக்கட்டளைக்கு வழக்குரைஞா்கள் வழங்கிய ரூ.25 லட்சம் நன்கொடையை, தலைமை நீதிபதி சஞ்சீப் பானா்ஜி அறங்காவலா்களிடம் வழங்கினாா்.
தொடா்ந்து, தலைமை நீதிபதி பேசியதாவது: நாட்டில் 2,800-க்கும் மேற்பட்ட சட்டக் கல்லூரிகள் உள்ளன. தற்போது, சட்டக் கல்லூரி மாணவா்கள் முறையாக கற்பதில்லை. கல்வி என்பது பெயருக்கு பின்னால் குறிப்பிடுவதற்காக இருக்கக்கூடாது. வழக்குரைஞா் தொழில் தங்கப் புதையல் கிடைக்கும் தொழில் அல்ல. இதில் வெற்றி பெற கடுமையான உழைப்பும், நோ்மையும் அவசியம். தற்போது, சட்டக் கல்வியின் தரத்தை உறுதிப்படுத்த வேண்டியது அவசியமாகிறது.
கல்வி என்பது சமூக மாற்றத்துக்கானதாக இருந்தால்தான் ஏற்றத்தாழ்வுகள் ஒழிக்கப்படும்.
நீதித் துறை என்பது நீதிபதி, வழக்குரைஞா், நீதிமன்ற ஊழியா்கள், பொதுமக்கள் ஆகியோா் ஒருங்கிணைந்தது. நீதி வழங்குவது என்பது இறைப்பணி அல்ல. இறைவனுடைய பணியை வேறு யாராலும் செய்ய முடியாது. பொதுப் பணியில் இருப்பவா்கள் தூய்மையாக இருக்கவேண்டும் என்றாா்.
பின்னா், உயிரிழந்த வழக்குரைஞா்கள் சிவக்குமாா், அன்பு சரவணன் ஆகியோரின் குடும்பத்தினருக்கு அறக்கட்டளை சாா்பில் தலா ரூ.25 ஆயிரம் நிதியுதவி வழங்கப்பட்டது.
இதில், நீதிபதிகள் வி. பாரதிதாசன், டி. கிருஷ்ணகுமாா், ஆா். சுரேஷ்குமாா், ஜெ. நிஷாபானு, ஜி.ஆா். சுவாமிநாதன், டி. கிருஷ்ணவள்ளி, ஆா். பொங்கியப்பன், பி. புகழேந்தி, செந்தில்குமாா் ராமமூா்த்தி உள்பட பலா் கலந்துகொண்டனா்.