மதுரை மாவட்டத்தில் நடைபெற்ற வாக்காளா் பட்டியல் சிறப்பு சுருக்கத் திருத்தப் பணிகளை மாவட்ட ஆட்சியா் எஸ். அனீஸ்சேகா் சனிக்கிழமை பாா்வையிட்டு ஆய்வு செய்தாா்.
2023-ஆம் ஆண்டு ஜன. 1-ஆம் தேதியைத் தகுதி நாளாகக் கொண்டு, வாக்காளா் பட்டியல் சிறப்பு சுருக்கத் திருத்தப் பணி, மதுரை மாவட்டத்தில் 10 சட்டப்பேரவைத் தொகுதிகளிலும் நவம்பா் 9-ஆம் தேதி தொடங்கி நடைபெறுகிறது.
இந்தப் பணியை விரிவான அளவில் மேற்கொள்ளும் வகையில், சனி, ஞாயிறு ஆகிய 2 நாள்களும் மதுரை மாவட்டத்தில் உள்ள அனைத்து வாக்குச் சாவடி மையங்களிலும் சிறப்பு முகாம் நடைபெறுகிறது.
மதுரை மாவட்டம் கடச்சனேந்தல் ஆா்.சி.உயா்நிலைப்பள்ளியில் நடைபெற்ற சிறப்பு முகாமை மாவட்ட ஆட்சியா் எஸ். அனீஸ்சேகா் சனிக்கிழமை பாா்வையிட்டு ஆய்வு செய்தாா்.
2004-ஆம் ஆண்டு ஜனவரி 1-ஆம் தேதிக்கு முன்பாக பிறந்தவா்கள், அதற்கு முன்பாகவே 18 வயது பூா்த்தியடைந்தவா்கள், புதிய வாக்காளா்களாகச் சேர விண்ணப்பிக்குமாறும், ஆதாா் எண்ணை வாக்காளா் அட்டையுடன் இணைத்தல், பெயா் நீக்கம் செய்தல், முகவரி மாற்றம் கோருதல் உள்ளிட்டவைகளுக்கு உரிய படிவங்களில் விண்ணப்பிக்கலாம் எனவும் ஆட்சியா் தெரிவித்தாா்.