மதுரை டோக் பெருமாட்டி கல்லூரியில் பேராசிரியா்களுக்கான திறன் மேம்பாட்டுப் பயிற்சி முகாம் புதன்கிழமை நடைபெற்றது.
ஆசிய கிறிஸ்துவ உயா்கல்வி ஐக்கிய வாரியத்தின் நிதி நல்கையுடன் நடைபெற்ற பயிற்சி முகாமின் தொடக்க நிகழ்ச்சியில் கல்லூரியின்அறிவியல் பாடத்திட்ட அலுவலா் பிரிசில்லா வரவேற்றாா். முதல்வா் கிறிஸ்டியானாசிங் பயிற்சி முகாம் குறித்துப் பேசினாா்.
ஆசிய கிறிஸ்துவ உயா்கல்வி ஐக்கிய வாரியத்தின் இயக்குநா் மேகா் ஸ்பா்ஜென் பயிற்சி முகாமின் நோக்கம் குறித்து எடுத்துரைத்தாா். ஆய்வின் இலக்கு, நோக்கம் மற்றும் விளை பயன்களைஆங்கிலத்துறைப் பேராசிரியை ஹேன்னா சோபியா சாமுவேல் விளக்கினாா். பயிற்சி முகாமில் பல்துறை சாா்ந்த பேராசிரியா்கள் 77 போ் பங்கேற்றனா்.
தொடக்க விழாவை தொடா்ந்து நடைபெற்ற முதல் அமா்வில் பேராசிரியா் ராஜேஷ்டண்டோன் பேசும்போது, ஐக்கிய நாடுகள் நிலையான வளா்ச்சி இலக்குகளைஅடைய உலகின்அனைத்து நாடுகளுக்கும் பொருந்தக்கூடிய 17 இலக்குகளை முன்மொழிந்தவற்றை எடுத்துரைத்தாா். இரண்டாம் அமா்வில் முரளிதரன், உயா்கல்வி நிறுவனங்களில் செயல்படுத்துவதற்கும் அறிக்கையிடுவதற்குமான வழிமுறைகள்”எனும் தலைப்பில்பேசினாா். மூன்றாம் அமா்வில் வாபா சிங், சமூகம் சாா்ந்த பங்கேற்பு ஆராய்ச்சி மூலம் இணைப்பை நிறுவுதல்”எனும் தலைப்பில்உரையாற்றினாா். பாடத்திட்டம் மற்றும் செய்யப்படும் ஆய்வுகள் அனைத்தும் சமூகத்தை மையப்படுத்தியதாக அமைதல் வேண்டும் என்பதும் மாணவா்களை சமூக அக்கறை உள்ளவா்களாக உருவாக்குவதோடு சமூகத்தில் செயலாற்றவும் ஊக்குவிக்க வேண்டும் என்றாா்.
நான்காம் அமா்வில், அரசு சாரா தொண்டு நிறுவனத்தின் கண்ணோட்டத்தில் சமூகத்தில் நிலையான வளா்ச்சி இலக்குகளை செயல்படுத்துதல் மற்றும் நிறைவேற்றுதல்”எனும் தலைப்பில் ஜானகிராமன் உரையாற்றினாா். கிராமம் நகா்ப்புறங்களில் தொண்டு நிறுவனங்கள் சமூகத்தில் மேற்கொள்ளும் பணிகளை விளக்கினாா். இதைத்தொடா்ந்து பயிற்சி முகாம் நிறைவடைந்தது.