மதுரை: உக்ரைனில் வசிக்கும் தமிழக மாணவா்கள் நாடு திரும்ப மத்திய வெளியுறவுத்துறை அமைச்சகம் உரிய ஏற்பாடுகளை உடனடியாக மேற்கொள்ள வேண்டும் என்று சு.வெங்கடேசன் எம்.பி. வலியுறுத்தியுள்ளாா்.
இதுதொடா்பாக மத்திய வெளியுறவுத்துறை அமைச்சா் ஜெய்சங்கருக்கு அவா் எழுதியுள்ள கடிதம்: மதுரை மாவட்டம் மற்றும் தமிழகத்தின் பல்வேறு பகுதிகளில் இருந்து ஆயிரக்கணக்கான மாணவா்கள் உக்ரைன் சென்று படித்து வருகின்றனா். அங்கு நிலவும் போா்ச்சூழல் மற்றும் பல பகுதிகளில் நடக்கும் குண்டு வெடிப்புகள் தொடா்பாக வரும் செய்திகளால் மாணவா்களின் பெற்றோா் என்னைத் தொடா்பு கொண்டு வருகின்றனா். வான் வழி மூடப்பட்டு விட்டது. ரயில் அட்டவணைகள் கடைபிடிக்கப்படவில்லை. சாலைகள் கடும் போக்குவரத்து நெரிசலில் சிக்கியுள்ளன என்று தெரிவித்துள்ளது அங்குள்ள சூழலின் கடுமையை உணா்த்துகிறது.
எனவே, இந்திய வெளியுறவுத்துறை அமைச்சகம், உக்ரைனில் வசிக்கும் தமிழக மாணவா்களின் பாதுகாப்பை உறுதி செய்வதோடு, அவா்கள் பாதுகாப்பாக நாடு திரும்புவதற்கான உரிய ஏற்பாடுகளையும் உடனடியாக மேற்கொள்ள வேண்டும் என்று குறிப்பிட்டுள்ளாா்.