பெண்கள் சேவை மனப்பான்மையை வளா்த்துக்கொள்ளவேண்டும்: நீதிபதி

பெண்களை சேவை மனப்பான்மையை வளா்த்துக்கொள்ள வேண்டும் என மாவட்ட சட்டப்பணிகள் ஆணையக்குழு செயலரும் சாா்பு-நீதிபதியுமான தீபா வேண்டுகோள் விடுத்தாா்.

மதுரை காந்தி நினைவு அருங்காட்சியகத்தில் ஞாயிற்றுக்கிழமை நடைபெற்ற சா்வதேச மகளிா் தின விழாவில் தலைமை வகித்து அவா் பேசியது:

தமிழக நீதித்துறையும், மாநில சட்டப்பணிகள் ஆணைக்குழுவும் பெண்களுக்கான உரிமைகளில் அதிக அக்கறையுடன் செயல்பட்டு வருகின்றன. அரசு மற்றும் தனியாா் துறைகளில் பெண்கள் வெகுவாக முன்னேறி வருகின்றனா். தற்போது பெண்கள் தங்கள் உடல் அழகை சீரமைப்பதில் அதிக ஆா்வம் காட்டி வருகின்றனா். அதே போல் உள்ளத்தையும் அழகாக வைத்துக் கொள்ள வேண்டும். சமூக சேவைகளைச் செய்து பெண்கள் சாதனைகள் செய்ய வேண்டும். இயலாதவா்களுக்கு உதவி செய்யும் மனப்பான்மையை வளா்த்துக் கொண்டாலே உள்ளம் அழகாகி விடும். பெற்றோா்களிடமும், சகோதர சகோதரிகளிடமும், உறவினா்களிடமும், அனைத்து உயிா்களிடமும் அன்பு செலுத்த பழகிக் கொண்டாலே உள்ளம் புனிதமாகும். ஒவ்வொருவரின் உள்ளம் புனிதமானால் உலகம் உயா்வடையும் என்றாா்.

விழாவில், துணை ஆட்சியா் முருகேசன், வழக்குரைஞா் முத்துக்குமாா், திருநங்கை பிரியாபாபு, தமிழ்நாடு எய்ட்ஸ் கட்டுபாட்டு வாரியத் திட்ட மேலாளா் ஜெய்கணேஷ், மேலாளா் ஜெய பாண்டியன், சமூக சேவகா் சோலைஅழகு ஆகியோா் பங்கேற்றனா். முன்னதாக ஸ்ரீ லக்ஷ்மி பெண்கள் முன்னேற்ற சங்கத்தின் தலைவா் செல்வி வரவேற்றாா். திட்ட மேலாளா் குளோரி, செயலா் கலா ஆகியோா் நன்றி கூறினா்.