பள்ளி மாணவா் தற்கொலை

மதுரை அருகே ஏழாம் வகுப்பு மாணவா் தூக்கிட்டுத் தற்கொலை செய்துகொண்டாா்.

மதுரை அருகே உள்ள இடையப்பட்டியைச் சோ்ந்தவா் முத்துக்குமாா். இவா் குளிா்சாதன இயந்திர பழுது நீக்கும் தொழில் செய்து வருகிறாா். இவரது மனைவி அமுதா(30). இவா்களது மகன் ரோகித் (11). இவா் அப்பகுதியில் உள்ள பள்ளியில் ஏழாம் வகுப்பு படித்து வந்தாா். ரோகித் புருவத்தில் கோடிட்டு தலைமுடிவெட்டியதை குடும்பத்தினா் கண்டித்துள்ளனா்.

இந்ந நிலையில், ஞாயிற்றுக்கிழமை மாலை வீட்டில், ரோகித் வேஷ்டியில் தூக்கிட்டுத் தற்கொலைக்கு முயன்றுள்ளாா். அவரை குடும்பத்தினா் மீட்டு, மதுரை அரசு மருத்துவமனைக்கு கொண்டு சென்றனா். ஆனால், செல்லும் வழியிலேயே ரோகித் உயிரிழந்தாா். இந்த சம்பவம் தொடா்பாக தாய் அமுதா அளித்தப் புகாரின்பேரில் ஒத்தக்கடை போலீஸாா் வழக்குப்பதிவு செய்து விசாரித்து வருகின்றனா்.