மதுரையில் நடைபெற்ற மாவட்ட அளவிலான டேக்வாண்டோ போட்டியில் வெற்றி பெற்று சாம்பியன் பட்டம் பெற்ற மாணவ, மாணவிகளை டேக்வாண்டோ அகாதெமியினா் செவ்வாய்க்கிழமை பாராட்டினா்.
மதுரையில் உள்ள மங்கையா்க்கரசி கல்லூரியில் ஜன. 29- ஆம் தேதி மாவட்ட அளவிலான டேக்வாண்டோ சாம்பியன்ஷிப் போட்டி நடைபெற்றது. போட்டியில் பல்வேறு பள்ளிகளைச் சோ்ந்த 400-க்கும் மேற்பட்ட மாணவா்கள் கலந்து கொண்டனா். பூம்சே, க்யூரூகி ஆகிய இரு பிரிவுகளில் நடைபெற்ற இப்போட்டியில் மதுரை டேக்வாண்டோ அகாதெமி மாணவா்கள் கலந்து கொண்டு 30 தங்கப்பதக்கம், 15 வெள்ளி பதக்கம், 7 வெண்கலப் பதக்கம் வென்று சாம்பியன் கோப்பையைக் கைப்பற்றினா்.
இந்த நிலையில், வெற்றி பெற்ற மாணவா்களை, மதுரை டேக்வாண்டோ அகாதெமியின் தலைமைப் பயிற்சியாளா் நாராயணன், பயிற்சியாளா் சஞ்சீவ் ஆகியோா் பாராட்டினா்.