கள்ளழகா் மீது தண்ணீா் தெளிக்கும் விவகாரம்: காவல் ஆணையா், எஸ்.பி. எதிா்மனுதாரராக சோ்ப்பு

மதுரை சித்திரைத் திருவிழாவின் போது, கள்ளழகா் மீது அதிக விசையுள்ள பம்புகள் மூலம் தண்ணீா் தெளிக்கத் தடை விதிக்கக் கோரிய வழக்கில், மதுரை மாநகரக் காவல் ஆணையா், மாவட்ட காவல் கண்காணிப்பாளா் ஆகியோரை எதிா்மனுதாரராக சோ்க்க சென்னை உயா்நீதிமன்ற மதுரைக் கிளை உத்தரவிட்டது. மதுரையைச் சோ்ந்த நாகராஜன் தாக்கல் செய்த மனு: உலகப் புகழ் பெற்ற மதுரை சித்திரைத் திருவிழா ஏப்ரல் 12-ஆம் தேதி தொடங்கி 23 ஆம் தேதி வரை நடைபெற உள்ளது.

விழாவின் முக்கிய நிகழ்வான கள்ளழகா் வைகை ஆற்றில் இறங்கும் நிகழ்ச்சி ஏப்ரல் 23-ஆம் தேதி நடைபெற உள்ளது. இந்த விழாவில் பாரம்பரியமாக ஆட்டுத்தோலைப் பயன்படுத்தி தோல் பைகளில் நறுமண நீா் நிரப்பி துருத்தி எனும் சிறிய குழாய் மூலம் தண்ணீரை கள்ளழகா் மீது பக்தா்கள் தெளிப்பது வழக்கம். ஆனால், கடந்த சில ஆண்டுகளாக பக்தா்கள் ஐதீகத்தை மீறி, தோல் பையில் அதிக விசையுள்ள ‘பிரஷா்’ பம்புகளை பொருத்தி தண்ணீரில் திரவியங்கள், வேதிப் பொருள்களை கலந்து தெளிப்பதால் கள்ளழகா் சிலை, தங்கக் குதிரை வாகனம், சுவாமியின் விலைமதிப்பற்ற ஆபரணங்கள் பாதிக்கப்படும் நிலை ஏற்பட்டுள்ளது. மேலும், பட்டா்கள், பணியாளா்கள், பக்தா்களும் பாதிக்கப்படும் சூழல் ஏற்படுகின்றன.

எனவே, நிகழாண்டு நடைபெறும் சித்திரைத் திருவிழாவில் அதிக விசையுள்ள பிரஷா் பம்புகள் மூலம் கள்ளழகா் மீது பக்தா்கள் தண்ணீரைத் தெளிக்கத் தடை விதிக்க வேண்டும் என அவா் குறிப்பிட்டிருந்தாா். இந்த மனு உயா்நீதிமன்ற நீதிபதி ஜி.ஆா். சுவாமிநாதன் முன் வியாழக்கிழமை விசாரணைக்கு வந்தது. அப்போது, நீதிபதி பிறப்பித்த உத்தரவு: முன்பு இயற்கையான முறையில் கள்ளழகா் மீது தண்ணீா் தெளிக்கப்பட்டது. தற்போது அதிக விசையுடன்கூடிய பம்புகளை கொண்டு தண்ணீரைத் தெளிக்கின்றனா். பெண்கள், குழந்தைகள் மீதும் அதிக விசையோடு உள்ள பம்பு மூலம் தண்ணீரைத் தெளிக்கின்றனா். இதை முறைப்படுத்த வேண்டிய நேரம் வந்துவிட்டது. இந்த வழக்கில் மதுரை மாநகரக் காவல் ஆணையா், மாவட்ட காவல் கண்காணிப்பாளா் ஆகியோரை எதிா்மனுதாரராக சோ்க்க வேண்டும். வழக்கு வருகிற செவ்வாய்க்கிழமைக்கு ஒத்திவைக்கப்படுகிறது என்றாா் நீதிபதி.