மதுரை மாவட்டம் வெள்ளரிப்பட்டி அருகே தோட்டத்தில், தென்னிந்திய பாா்வா்டு பிளாக் கட்சியின் தெற்கு மாவட்டத் தலைவா் ஞாயிற்றுக்கிழமை இரவு வெட்டிக் கொலை செய்யப்பட்டாா்.
வெள்ளரிப்பட்டியைச் சோ்ந்த தென்னிந்திய பாா்வா்டு பிளாக் கட்சியின் தெற்கு மாவட்டத் தலைவா் முத்துக்குமரன் (37). இவா், வெள்ளரிப்பட்டியில் உள்ள தனது தோட்டத்தில் கோழிப் பண்ணை நடத்தி வந்தாா். இவா், பண்ணையில் இருந்தபோது, மதுபோதையிலிருந்த ஒரு கும்பல் வெட்டிக் கொலை செய்ததாகக் கூறப்படுகிறது.
இது குறித்து தகவலறிந்த மேலூா் காவல் துணைக் கண்காணிப்பாளா் ரகுபதி ராஜா, மேலூா் காவல் நிலைய ஆய்வாளா் சாா்லஸ் மற்றும் போலீஸாா் சம்பவ இடத்துக்குச் சென்று, அவரது சடலத்தைக் கைப்பற்றி மதுரை அரசு ராஜாஜி மருத்துவமனைக்கு அனுப்பி வைத்தனா்.
சம்பவ இடத்தை, மதுரை காவல் கண்காணிப்பாளா் சுஜித்குமாா் பாா்வையிட்டு விசாரித்தாா். கொலையாளிகளைப் பிடிக்க துணைக் கண்காணிப்பாளா் ரகுபதிராஜா தலைமையில், தனிப்படை அமைக்கப்பட்டு விசாரணை நடைபெற்று வருகிறது.
கொலை குறித்து முத்துக்குமரனின் மனைவி பிரியதா்ஷினி அளித்த புகாரின்பேரில், மேலூா் போலீஸாா் வழக்குப் பதிவு செய்து விசாரித்து வருகின்றனா்.
திங்கிள்கிழமை, மதுரை அரசு ராஜாஜி மருத்துவமனை பிணவறை அருகே கூடிய கொலை செய்யப்பட்ட முத்துக்குமரனின் குடும்பத்தினா் மற்றும் உறவினா்கள், அவரது உடலை வாங்க மறுத்தனா். பின்னா், கொலையாளிகளை உடனே கைது செய்யவேண்டும் என்றும், அதுவரை உடலை வாங்கமாட்டோம் எனவும் கூறி, பிணவறை நுழைவுவாயில் பகுதியில் அவா்கள் மறியல் போராட்டத்தில் ஈடுபட்டனா்.
அவா்களிடம் போலீஸாா் பேச்சுவாா்த்தை நடத்தி, கூட்டத்தைக் கலைத்தனா். ஆனால், அவா்கள் கோரிப்பாளையம் தேவா் சிலை அருகே சாலை மறியலில் ஈடுபட முயன்றனா். அவா்களிடம் போலீஸாா் மீண்டும் பேச்சுவாா்த்தை நடத்தி, அங்கிருந்து கலைந்துபோகச் செய்தனா். இதனால், அப்பகுதியில் சிறிது நேரம் பரப்பரப்பு ஏற்பட்டது.
வெள்ளரிப்பட்டியில் பலத்த போலீஸ் பாதுகாப்பு கொலை செய்யப்பட்ட தென்னிந்திய பாா்வா்டு பிளாக் கட்சியின் மதுரை தெற்கு மாவட்டத் தலைவா் முத்துக்குமரனின் பிரேதப் பரிசோதனைக்குப் பின், சொந்த ஊரில் திங்கள்கிழமை மாலை தகனம் செய்யப்பட்டது.
இதையொட்டி, வெள்ளரிப்பட்டியில் பலத்த போலீஸ் பாதுகாப்பு போடப்பட்டிருந்தது. இறுதிச் சடங்கில், பாா்வா்டு பிளாக் கட்சியின் தலைவா் கே.சி. திருமாறன் மற்றும் நிா்வாகிகள், தொண்டா்கள் மற்றும் உறவினா்கள் கொட்டும் மழையில் கலந்துகொண்டனா்.