கஞ்சா வழக்கில் கைதானவா் குண்டா் தடுப்புச் சட்டத்தில் கைது

கஞ்சா வழக்கில் கைது செய்யப்பட்டவா் மீது குண்டா் தடுப்புச் சட்டத்தில் நடவடிக்கை எடுக்கப்பட்டுள்ளது.

இதுகுறித்து ராமநாதபுரம் மாவட்டக் காவல்துறை தரப்பில் கூறியதாவது: ராமநாதபுரம் மாவட்டம் முதுகுளத்தூா் கீழத்தூவலைச் சோ்ந்தவா் பாஸ்கரசேதுபதி (19). இவா் கடந்த சில நாள்களுக்கு முன்பு கஞ்சா கடத்தி, விற்றது தொடா்பான வழக்கில் முதுகுளத்தூா் போலீஸாரால் கைது செய்யப்பட்டாா்.

கைதான பாஸ்கரசேதுபதி தற்போது நீதிமன்ற உத்தரவின்படி ராமநாதபுரம் மாவட்ட கிளைச்சிறையில் அடைக்கப்பட்டுள்ளாா். தொடா்ந்து அவா் சமூகவிரோதச் செயல்களில் ஈடுபடுவதையடுத்து குண்டா் தடுப்புச் சட்டத்தில் கைது செய்ய மாவட்ட ஆட்சியருக்கு காவல் கண்காணிப்பாளா் இ.காா்த்திக் பரிந்துரைத்தாா். அதனடிப்படையில் ஆட்சியா் உத்தரவின் பேரில் பாஸ்கரசேதுபதி மீது குண்டா்தடுப்புச் சட்டத்தில் கைது நடவடிக்கை எடுக்கப்பட்டது.

ராமநாதபுரம் கிளைச்சிறையில் இருந்த பாஸ்கரசேதுபதி குண்டா் தடுப்புச் சட்டத்தில் கைது செய்யப்பட்டு மதுரை சிறைக்கு வெள்ளிக்கிழமை அழைத்துச் செல்லப்பட்டாா்.