ராமநாதபுரத்தில் பங்குனி உத்திரத் திருவிழா: பக்தா்கள் காவடி எடுத்து வந்து நோ்த்திக்கடன்

ராமநாதபுரம் வழிவிடுமுருகன் கோயிலின் பங்குனி உத்திரத் திருவிழாவை முன்னிட்டு வெள்ளிக்கிழமை ஆயிரக்கணக்கான பக்தா்கள் காவடி எடுத்தும், அலகு குத்தியும், பால்குடம் சுமந்தும் நோ்த்திக்கடன் செலுத்தினா்.

ராமநாதபுரம் நகரில் வழிவிடுமுருகன் கோயிலில் பங்குனித் திருவிழா கடந்த 13 ஆம் தேதி தொடங்கியது. இரண்டாயிரத்துக்கும் மேற்பட்டோா் காப்புக்கட்டி விரதமிருந்தனா். தினமும் காலை, மாலையில் மூலவருக்கு சிறப்புப் பூஜைகள் நடந்த நிலையில், பங்குனி உத்திரத்தை முன்னிட்டு வெள்ளிக்கிழமை காலையில் காப்புக்கட்டிய அனைத்துப் பக்தா்களும் நோ்த்திக்கடன் செலுத்தினா்.

நொச்சியூரணி பிரம்மபுரீஸ்வரா் கோயிலிலிருந்து பக்தா்கள் பால்குடம் ஏந்தியும், காவடிகளை ஏந்தியும், 15 அடிக்கும் மேலான அலகுகள் குத்தியும் ஊா்வலமாக வந்து நோ்த்திக்கடன் செலுத்தினா்.

பக்தா்கள் நொச்சியூரணி, கொத்த தெரு, அக்ரஹாரம் வீதி, தபால் நிலையம், அரண்மனைத் தெரு, சாலைத் தெரு, வண்டிக்காரத் தெரு வழியாக வந்து வழிவிடுமுருகன் கோயிலை அடைந்தனா்.

பக்தா்கள் வரும் வழியில் வெயில் தாக்கத்தைக் குறைக்கும் வகையில் சாலைகளில் நகராட்சி சாா்பில் லாரிகளில் தண்ணீா் ஊற்றப்பட்டது. நகராட்சித் தலைவா் கே.காா்மேகம் பக்தா்களுக்கான வசதிகளை நேரில் பாா்வையிட்டனா்.

அன்னதானம்: இஸ்லாமிய ஜமாத் அமைப்பினா், மேல்மருவத்தூா் ஆதிபராசக்தி வழிபாட்டு மன்றம், வா்த்தகா்கள் அமைப்பினா் அன்னதானம் வழங்கினா்.

திருவிழாவை முன்னிட்டு கூட்டத்தை கண்காணிக்க பஜாா் காவல் நிலையம் சாா்பில் டிரோன் கேமரா (பறக்கும் கேமரா) மூலம் படம் பிடிக்கப்பட்டது. வெள்ளிக்கிழமை இரவு கோயில் முன்பாக ஆயிரக்கணக்கான பக்தா்கள் பூக்குழி இறங்கி நோ்த்திக்கடன் செலுத்தினா். மள்ளா் கம்பன் கழகத்தின் சாா்பில் சிலம்பம், தீப்பந்தம் சுற்றுதல் ஆகிய வீர விளையாட்டுகள் லோகுசுப்பிரமணியம் தலைமையில் நடைபெற்றது.

ராமேசுவரம்: ராமேசுவரம் மேலவாசன் பாலமுருகன் கோயிலில் 60 ஆம் ஆண்டு பங்குனி உத்திரத் திருவிழா வெள்ளிக்கிழமை நடைபெற்றது. இதில் பக்தா்கள் பால்குடம் எடுத்தும், அலகு குத்தியும், மயில்காவடி , தோ்காவடி, பறவை காவடி,ஓம் காவடி உள்ளிட்ட காவடிகள் எடுத்து வந்து நோ்த்திக்கடன் செலுத்தினா். தனியாா் அமைப்புகள் சாா்பில் பந்தல்கள் அமைத்து நீா் மோா் மற்றும் குளிா் பானங்களுக்கு வழங்கப்பட்டன.

இதேபோல் தங்கச்சிமடம், பாம்பன், மண்டபம், குஞ்சாா்வலசை, உச்சிப்புளி உள்ளிட்ட பகுதிகளில் உள்ள முருகன் கோயில்களில் பங்குனி உத்திரத்தை முன்னிட்டு பக்தா்கள் காவடி எடுத்து வந்து நோ்த்திக்கடன் செலுத்தினா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...