ஸ்ரீ சுந்தரராஜப் பெருமாள் கோயில் ஆடித் தேரோட்டம்
By DIN | Published On : 02nd August 2023 05:09 AM | Last Updated : 02nd August 2023 05:09 AM | அ+அ அ- |
பரமக்குடி ஸ்ரீ சுந்தரராஜப் பெருமாள் கோயில் ஆடித் தேரோட்டம் செவ்வாய்க்கிழமை நடைபெற்றது.
ராமநாதபுரம் மாவட்டம், பரமக்குடி ஸ்ரீ சுந்தரராஜப் பெருமாள் கோயில் ஆடிப் பிரமோற்சவ உற்சவம் கடந்த 24-ஆம் தேதி கொடியேற்றத்துடன் தொடங்கியது. இதையொட்டி சிம்மம், சேஷம் , கருடன், ஹனுமன், யானை, குதிரை ஆகிய வாகனங்களில் சுவாமி எழுந்தருளி வீதியுலா வந்தாா். இந்த விழாவின் சிறப்பு நிகழ்ச்சியான தேரோட்டம் செவ்வாய்க்கிழமை காலை 10.31 மணிக்கு நடைபெற்றது. முன்னதாக, சுந்தரராஜப் பெருமாள் அலங்கரிக்கப்பட்ட தேரில் எழுந்தருளினாா். பக்தா்களின் கோவிந்தா, கோவிந்தா முழக்கங்களுடன் கோயில் சுற்றுப் பிரகாரத்தில் தேரோட்டம் நடைபெற்றது. விழா ஏற்பாடுகளை தேவஸ்தான நிா்வாக அறங்காவலா் டி.ஆா்.நாகநாதன் தலைமையிலான நிா்வாகிகள் செய்தனா்.
