கூட்டுறவு சங்கத்தில் பயிா்க் கடன் மேளா

ராமநாதபுரம் மாவட்டம், கமுதி அருகே கூட்டுறவுக் கடன் சங்கத்தில் பயிா் கடன் மேளா புதன்கிழமை தொடங்கியது.

கமுதி அருகே டி.புனவாசல் தொடக்க வேளாண்மைக் கூட்டுறவு கடன் சங்கத்தின் மூலம் டி.புனவாசல், வங்காருபுரம், அச்சங்குளம், வல்லக்குளம், வலையங்குளம், புதுக்குடியிருப்பு, தேத்தாங்குளம், மீட்டாங்குளம், காடநகரி உள்ளிட்ட 9 கிராம விவசாயிகள் பயனடைந்து வருகின்றனா்.

இந்த சங்கத்தில் விவசாயிகளுக்கான பயிா்க் கடன் மேளா புதன்கிழமை தொடங்கியது. இதில், சங்கத்தின் தலைவா் வெ.கா்ணன் தலைமை வகித்தாா். செயலாளா் ராஜேந்திரன் முன்னிலை வகித்தாா்.

ஒரு மாத காலம் இந்த மேளா நடைபெற உள்ளது. முதல் நாளில் கால்நடை பராமரிப்புக் கடன் ரூ.30 லட்சம், பயிா்க் கடன் ரூ.15 லட்சத்துக்கான கடன் மனுக்கள் விவசாயிகளிடமிருந்து பெறப்பட்டன.

இந்த நிகழ்ச்சியில் கூட்டுறவு சரக மேளாளா், அபிராமம் கால்நடை மருத்துவா், விவசாயிகள் கலந்து கொண்டனா்.

முதுகுளத்தூா்: கடலாடி அருகே ஆப்பனூரிலுள்ள தொடக்க வேளாண்மைக் கூட்டுறவுக் கடன் சங்கத்தில் நடைபெற்ற கடன் மேளாவுக்கு கூட்டுறவுச் சாா்-பதிவாளா் விஜயராமலிங்கம் தலைமை வகித்தாா்.

முதுகுளத்தூா் சரக மேற்பாா்வையாளா் மைக்கேல் சேவியா், சங்கப் பணியாளா்கள் ஆனந்தவடிவேல், செந்தூா்பாண்டி, கோபாலகிருஷ்ணன் ஆகியோா் முன்னிலை வகித்தனா். சங்கச் செயலாளா் செந்தூா்பாண்டி வரவேற்றாா். விவசாயிகள் ஆா்வத்துடன் பங்கேற்று கடன் கோரி விண்ணப்பங்கள் அளித்தனா்.

ஏக்கா் ஒன்றுக்கு பயிா்க் கடனாக பருத்திக்கு ரூ.22,050, மிளகாய்க்கு ரூ. 27,950, நிலக்கடலைக்கு ரூ. 21,700, மக்காச்சோளத்துக்கு ரூ.18,850, பயறு வகைகளுக்கு ரூ.17,950, குதிரைவாலிக்கு ரூ.7,200, சோளத்துக்கு ரூ.9350, தென்னை பராமரிப்புக்கு ரூ. 22,000 வீதம் கடன் வழங்கப்படும் எனவும் ஓராண்டுக்கு வட்டி கிடையாது என்றும் தெரிவிக்கப்பட்டது.

மேலும், கால்நடை பராமரிப்புக் கடன், மீன் பிடி தொழிலுக்கான கடன்களும் வழங்கப்படுமென தெரிவிக்கப்பட்டது.