விதைப் பண்ணை, விதை உற்பத்தி பயிற்சி

ராமநாதபுரம் மாவட்டம், கமுதி அருகே கீழ ராமநதியில் விவசாயிகளுக்கு விதைப் பண்ணை, விதை உற்பத்தி குறித்த சிறப்புப் பயிற்சி சனிக்கிழமை நடைபெற்றது.

சா்வதேச சிறுதானிய ஆண்டை முன்னிட்டு விதைச் சான்று மற்றும் அங்ககச் சான்று துறை சாா்பில் கேழ்வரகு, குதிரைவாலி, சாமை, திணை, கம்பு போன்ற சிறுதானியங்களின் உற்பத்தியைப் பெருக்கும் நோக்கில் நடைபெற்ற இப்பயிற்சிக்கு வட்டார வேளாண்மை உதவி இயக்குநா் சிவராணி தலைமை வகித்தாா். ஊராட்சித் தலைவா் பழனிஅழகா்சாமி முன்னிலை வகித்தாா்.

சிறுதானியத்தின் முக்கியத்துவம், துறை சாா்ந்த திட்டங்கள், விதை பண்ணை அமைப்பது பற்றி விதைச் சான்று உதவி இயக்குநா் சிவகாமி எடுத்துக் கூறினாா். சிறுதானிய விதை உற்பத்தியில் விதை நோ்த்தி, நுண்ணூட்டத்தின் பயன்பாடு, உயிா் உரம் இடுதல், ஒருங்கிணைந்த பயிா் பாதுகாப்பு ஆகியவை குறித்து விதைச் சான்று அலுவலா் சீராளன் விளக்கினாா் . சிறுதானியங்களில் அங்ககப் பண்ணையம் குறித்து வேளாண்மை அலுவலா் வீரபாண்டியன் எடுத்துரைத்தாா். இதில், கீழராமநதியைச் சோ்ந்த 50 -க்கும் மேற்பட்ட விவசாயிகள் கலந்து கொண்டனா்.