ராமநாதபுரம் பேருந்து நிலையத்திலுள்ள வணிக வளாகத்தை ரூ. 10 லட்சத்தில் புதுப்பிக்கும் பணிகள் நடைபெற்று வருகின்றன.
இந்த வணிக வளாகம் கட்டப்பட்டு கடந்த 2004- ஆம் ஆண்டு திறக்கப்பட்டது. இதில், 20 கடைகள் உள்ளன. திறக்கப்பட்டு 19 ஆண்டுகள் கடந்த நிலையில் சேதமடைந்த இந்த கட்டடத்தை புதுப்பிக்க முடிவு செய்யப்பட்டது. இதற்காக ரூ. 10 லட்சம் ஒதுக்கப்பட்டு தற்போது புதுப்பிக்கும் பணிகள் தீவிரமாக நடைபெற்று வருகின்றன.