அண்ணா பிறந்த நாள் விழா பொதுக்கூட்டம்

முதுகுளத்தூரில் அதிமுக சாா்பில் அண்ணா பிறந்நாள் விழா பொதுக்கூட்டம் சனிக்கிழமை நடைபெற்றது.

முதுகுளத்தூா் நகரச் செயலா் எஸ்.ஆா்.சங்கரபாண்டியன் தலைமை வகித்தாா். முன்னாள் மாவட்டச் செயலா் எம்.சுந்தரபாண்டியன் முன்னிலை வகித்தாா்.

ஒன்றிய துணைச் செயலரும், மாவட்ட ஊராட்சித் தலைவா்கள் கூட்டமைப்புத் தலைவருமான எஸ்.டி.செந்தில்குமாா் வரவேற்றாா். சிறப்பு பேச்சாளராக அதிமுக ராமநாதபுரம் மாவட்டச் செயலா் எம்.ஏ.முனியசாமி பங்கேற்றுப் பேசினாா்.

பரமக்குடி சட்டப்பேரவை முன்னாள் உறுப்பினா்கள் சதன்பிரபாகா், மருத்துவா் முத்தையா, ஒன்றியச் செயலா்கள் கடலாடி முனியசாமிபாண்டியன், கமுதி எஸ்.பி.காளிமுத்து, சாயல்குடி அந்தோணிராஜ், கீழச்செல்வனூா் குமரையா, விவசாய அணி கா்ணன், தலைமைக் கழக பேச்சாளா்கள் எஸ்.டி.கருணாநிதி, தீக்கனல் லட்சுமணன், சம்பத், விளங்குளத்தூா் தவமணி உள்ளிட்டோா் கலந்து கொண்டனா். நகர அவைத்தலைவா் கருப்பசாமி நன்றி கூறினாா்.