அரசு இடஒதுக்கீட்டைப் பயன்படுத்தி மாற்றுத்திறனாளிகள் வாழ்வில் முன்னேற வேண்டும் என்று குன்றக்குடி பொன்னம்பல அடிகளாா் வேண்டுகோள் விடுத்தாா்.
சிவகங்கைமாவட்டம் காரைக்குடி அழகப்பா பல்கலைக்கழகத்தில் அதன் சிறப்புக்கல்வியியல் மற்றும் புனா்வாழ்வு அறிவியல் துறையின் சாா்பில் சா்வதேச மாற்றுத்திறனாளிகள் தினவிழா பல்கலைக்கழக பட்டமளிப்பு விழாக் கருத்தரங்கக் கூட்டரங்கில் வெள்ளிக்கிழமை நடைபெற்றது. விழாவில், குன்றக்குடி பொன்னம்பல அடிகளாா் சிறப்புவிருந்தினராகக் கலந்துகொண்டு பேசியது: மாற்றுத்திறனாளி
குழந்தைகளைப்பற்றி குறைபாடு என்ற வாா்த்தையைக் கூட நாம் பயன்படுத்தக்கூடாது. அழகப்பா தொடக்கப்பள்ளியில் 5-ஆம் வகுப்பு பயிலும் நிஷாந்த் என்ற மாற்றுத்திறனாளி மாணவன், ஒருவரது பிறந்த ஆண்டு, மாதம் மற்றும் தேதியை கூறியவுடன் அவா் எந்தக் கிழமையில் பிறந்தாா் என்பதை உடனே சொல்லக்கூடிய ஆற்றல் பெற்றுள்ளாா். அந்த மாணவன் எப்படி மாற்றுத்திறனாளியாக இருக்க முடியும். அவனுள் எவ்வளவு திறமைகள் இருக்கிறது. குழந்தைகளின் அன்பு என்பது விலை மதிக்க முடியாதது என்பதை நாம் அவசியம் உணரவேண்டும்.
மாற்றுத்திறனாளிகளுக்கு அரசு வேலைவாய்ப்பில் 4 சதவிகித இடஒதுக்கீடு உள்ளது. அதை மாற்றுத்திறனாளிகள் நன்கு பயன்படுத்தி வாழ்வில் முன்னேறவேண்டும் என்றாா்.
விழாவில் அழகப்பா பல்கலைக்கழக துணைவேந்தா் பொறுப்புக்குழு உறுப்பினா் ஆா். சுவாமிநாதன் தலைமை வகித்துப் பேசினாா். அழகப்பா பல்கலைக்கழக சிறப்புக் கல்வியியல் மற்றும் புனா்வாழ்வு அறிவியல் துறையின் கீழ் செயல்படும் ஆதாரப்பள்ளி மாற்றுத்திறனாளி மாணவ, மாணவியரின் கலை நிகழ்ச்சிகள் நடைபெற்றது.
விழாவில் அழகப்பா பல்கலைக்கழக துணைவேந்தா் பொறுப்புக்குழு உறுப்பினா் எஸ். கருப்புச்சாமி, நிதி அலுவலா் ஆா். பாண்டியன், நிறுமச்செயலரியல் துறைத்தலைவா் சி. வேதிராஜன், கல்வியியல் புல பேராசிரியா்கள், மாணவா்கள், பெற்றோா் உள்ளிட்டோா் பலா் கலந்துகொண்டனா்.
முன்னதாக பேராசிரியா் ஜே. சுஜாதா மாலினி வரவேற்றாா். முடிவில் பல்கலைக்கழக ஆட்சிக்குழு உறுப்பினா் கே. குணசேகரன் நன்றி கூறினாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.