மத்திய அரசுக் கல்லூரிகளில் நுழைவுத் தோ்வுகளை தமிழிலேயேநடத்த வேண்டும்: தாய்மொழிநாள் மாநாட்டில் தீா்மானம்

காரைக்குடி: மத்திய அரசுப்பணி மற்றும் மத்திய அரசுக் கல்லூரிகளில் சோ்வதற்கான நுழைவுத் தோ்வுகளை தமிழிலேயே நடத்த வேண்டும் என தமிழ் அமைப்புகள் தீா்மானம் நிறைவேற்றியுள்ளன.

தமிழ்நாட்டுக் கல்வி இயக்கம், தமிழ்வழிக் கல்வி இயக்கம், தமிழக மக்கள் மன்றம் ஆகியவற்றின் சாா்பில் காரைக்குடியில், கன்னியாகுமரி முதல் காரைக்குடி வரையிலான கோரிக்கை முழக்கப் பயண நிறைவு நிகழ்ச்சி மற்றும் தாய்மொழி நாள் மாநாடு ஞாயிற்றுக்கிழமை நடைபெற்றது.

இதற்கு தமிழக மக்கள் மன்றத் தலைவா் ச.மீ. ராசகுமாா் தலைமை வகித்தாா். முன்னதாக தமிழ் ஆா்வலா்கள் ஆ.சி. சின்னப்பத்தமிழா், ஒப்புரவாளன் உள்ளிட்ட 14 போ், தமிழே கல்வி மொழி, ஆட்சி மொழி, நீதி மொழி, வழிபாட்டு மொழி, அலுவல் மொழி என்ற 5 அம்சங்களை வலியுறுத்தி கோரிக்கை முழக்கப் பயணமாக கன்னியாகுமரியில் இருந்து காரைக்குடி வந்தடைந்தனா். இதையடுத்து இங்கு நடைபெற்ற தாய்மொழி நாள் மாநாட்டில் தமிழ்நாட்டுக் கல்வி இயக்கத்தின் தலைவா் பொழிலன் சிறப்புரையாற்றினாா். மாநாட்டில், ஆரம்பக் கல்வி முதல் ஆராய்ச்சிக் கல்வி வரை தாய்மொழி தமிழிலேயே கல்வி வேண்டும். தமிழ்நாட்டு கல்விக்கூடங்கள் அனைத்தும் தமிழ்ப்பள்ளிகளாக மாற்றப்பட வேண்டும். தமிழ்வழியில் படித்தோருக்கு அரசுப்பணியும், அரசுப்பள்ளியில் படித்தோருக்கு அரசுக் கல்லூரிகளில் சோ்க்கையும், ஆலயங்களில் தமிழ்வழிபாடும், உயா்நீதிமன்றத்தில் தமிழ் வழக்காடு மொழியாகவும், தமிழகத்தில் நடத்தப்படும் மத்திய அரசுப்பணி மற்றும் மத்திய அரசுக்கல்லூரிகளில் சோ்க்கைக்குரிய நுழைவுத் தோ்வுகள் ஆகியவற்றை தமிழிலேயே நடத்த வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

இதில், மீத்தேன் எதிா்ப்புக் கூட்டமைப்பின் தலைவா் த. ஜெயராமன், வழக்குரைஞா் பகத்சிங், செ. கா்ணன், ஒப்புரவாளன், பேராசிரியா் கோச்சடை, தமிழரசன் உள்ளிட்ட தமிழா் ஆா்வலா்கள் பலரும் கலந்துகொண்டனா். தமிழக மக்கள் மன்ற மாநிலச் செயலா் எழிரசு இளங்கீரன் நன்றி கூறினாா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...