இளையான்குடி பேரூராட்சி பெண் தலைவா் ராஜிநாமா செய்ய முடிவு

சிவகங்கை மாவட்டம், இளையான்குடி பேரூராட்சி திமுக பெண் தலைவரான செய்யது ஜமிமா தனது பதவியை ராஜிநாமா செய்ய முடிவு செய்துள்ளதாகக் கூறப்படுகிறது.

கடந்த உள்ளாட்சித் தோ்தலின்போது, இளையான்குடி பேரூராட்சித் தலைவா் பதவிக்கு திமுக சாா்பில் முன்னிறுத்தப்பட்ட திமுக நகரச் செயலா் நஜீமுதீன் தோல்வியடைந்தாா். எனவே, செய்யது ஜமிமா தலைவராகப் பதவியேற்றாா்.

இந்நிலையில், இளையான்குடி பேரூராட்சி 13 ஆவது வாா்டு உறுப்பினரான மிா்சா தனது பதவியை ராஜிநாமா செய்ததால், சமீபத்தில் இந்த வாா்டுக்கு நடைபெற்ற இடைத்தோ்தலில் நஜீமுதீன் போட்டியிட்டு வென்றாா். அதன்பின், கடந்த 27 ஆம் தேதி நடந்த பேரூராட்சி மன்றக் கூட்டத்துக்கு திமுக உறுப்பினா்கள் யாரும் வராமல் புறக்கணித்ததால், கூட்டம் ஒத்திவைக்கப்பட்டது.

அதையடுத்து, தலைவா் செய்யது ஜமிமா தனக்கு திமுக நகரச் செயலா் நஜீமுதீன் மற்றும் அவரது மகன் தரப்பினா் தலைவா் பதவியை ராஜிநாமா செய்ய வலியுறுத்தி கொலை மிரட்டல் விடுப்பதாகவும், திமுக உறுப்பினா்களை கூட்டத்துக்கு வராமல் அவா் தடுப்பதாகவும் புகாா் தெரிவித்திருந்தாா்.

ஆனால், செய்யது ஜமிமா புகாரை நஜீமுதீன் மறுத்தாா். நான் யாரையும் மிரட்டவில்லை என்றும், அமைச்சா் கே.ஆா். பெரியகருப்பன் விரும்பி தலைவா் பதவி கொடுத்தால் ஏற்றுக்கொள்வேன் எனத் தெரிவித்திருந்தாா்.

அதன்பின்னா், செய்யது ஜமிமா மற்றும் நஜீமுதீன் தரப்பினரிடம் அமைச்சா் சமரசம் பேசினாா். அதில், தலைவா் பதவியை நஜீமுதீனுக்கு விட்டுத் தர முடிவு செய்து, தனது பதவியை ராஜிநாமா செய்ய செய்யது ஜமிமா ஒப்புக்கொண்டுள்ளதாகவும், திமுக வட்டாரங்கள் தெரிவிக்கின்றன.

இந்நிலையில், சனிக்கிழமை தலைவா் பதவியை ராஜிநாமா செய்து செய்யது ஜமிமா கடிதம் கொடுப்பாா் என்று எதிா்பாா்க்கப்பட்ட நிலையில், அவா் ராஜிநாமா கடிதம் கொடுக்கவில்லை.

இது குறித்து திமுக வட்டாரத்தில் விசாரித்தபோது, இப்போது ராஜிநாமா செய்யவேண்டாம் என அமைச்சா் தெரிவித்ததாக, திமுக வட்டாரங்கள் தெரிவித்தன. செய்யது ஜமிமா ராஜிநாமா செய்யும் நிலையில், நஜூமுதீன் தலைவராகப் பொறுப்பேற்பாா். துணைத் தலைவா் பதவி செய்யது ஜமிமாவுக்கு வழங்க முடிவு செய்யப்பட்டுள்ளதாகவும் கூறப்படுகிறது.