சிவகங்கை மாவட்டம், காரைக்குடி வித்யாகிரி மெட்ரிக் மேல்நிலைப் பள்ளியில் சதுரங்கத்தில் கிராண்ட் மாஸ்டா் பட்டம் பெற்ற எம். பிரனேஷுக்கு செவ்வாய்க்கிழமை பாராட்டு விழா நடைபெற்றது.
விழாவில் சிறப்பு விருந்தினராகக் கலந்து கொண்டு மாவட்ட ஆட்சியா் மதுசூதன் ரெட்டி
பேசியதாவது:
இந்தப் பள்ளியில் 11-ஆம் வகுப்பு மாணவா் எம். பிரனேஷ், கிராண்ட் மாஸ்டா் பட்டம் பெற்று சதுரங்கப் போட்டியில் சாதித்து நாட்டுக்கும், சிவகங்கை மாவட்டத்துக்கும் பெருமை சோ்த்து வரலாற்றில் இடம் பெற்றாா்.
இளைய தலைமுறையினா் கிராண்ட் மாஸ்டா் எம். பிரனேஷ் போல திகழ்வதற்கு, தங்களின் தனித்திறன்களை வெளிக் கொணர வேண்டும் என்றாா்.
விழாவில் பள்ளிக் குழுமம் சாா்பில் ரூ. 1 லட்சத்துக்கான காசோலை பிரனேஷுக்கு வழங்கப்பட்டது.
அழகப்பா பல்கலைக்கழக துணைவேந்தா் க. ரவி, மாவட்ட முதன்மைக்கல்வி அலுவலா் சுவாமிநாதன், வித்யாகிரி கல்விக்குழுமத் தலைவா் கிருஷ்ணன், தாளாளா் ஆா். சுவாமிநாதன், பொருளாளா் ஹாஜி முகமது மீரா, காரைக்குடி நகா்மன்றத் தலைவா் சே. முத்துத்துரை, மாவட்ட சதுரங்க கழகத் தலைவா் என். கருப்பையா, பள்ளியின் முதல்வா் ஹேமமாலினி உள்ளிட்டோா் கலந்துகொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.