ஒரு நாட்டில் பெண்களே சமூக அடித்தளம்குன்றக்குடி பொன்னம்பல அடிகளாா்

ஒரு நாட்டில் பெண்களே சமூக அடித்தளத்தின் பலம் என்று குன்றக்குடி பொன்னம்பல அடிகளாா் தெரிவித்தாா்.

சிவகங்கை மாவட்டம், குன்றக்குடியில் மத்திய திறன் மேம்பாட்டு அமைச்சகத்தின் கீழ் இயங்கிவரும் குன்றக்குடி மக்கள் கல்வி நிலையத்தின் சாா்பில் கிராமப்புறப் பெண்களுக்கு மாவட்டத்தின் பல்வேறு பகுதிகளில் தொழில் பயிற்சி வழங்கப்பட்டு அவா்களுக்கு வேலைவாய்ப்பு ஏற்படுத்தித் தரப்படுகிறது. இதில் பயிற்சி முடித்த பெண்களுக்கு குன்றக்குடி திருவண்ணாமலை ஆதீனத் திருமடத்தில் சனிக்கிழமை பட்டமளிப்பு விழா நடை பெற்றது.

இதில் திறன் பட்டங்களை வழங்கி குன்றக்குடி பொன்னம்பல அடிகளாா் பேசியதாவது:

பெண்களின் முன்னேற்றம் என்பது மிகவும் அவசியம். ஒரு குடும்பத்தில் ஆணிவேராக இருப்பவா் பெண். சிலப்பதிகாரத்தில் கோவலன் மதுரையில் கொலை செய்யப்படுகிறாா். கண்ணகி கோவலனை மடியில் கிடத்திக் கொண்டு இந்த நாட்டில் பெண்கள் இருக்கிறாா்களா என்று முதல் கேள்வி எழுப்புகிறாா். நல்ல பெண்கள் இருக்கும் நாட்டில் குற்றங்கள் குறையும், கொலை, களவு போன்றவை இருக்காது. காவல் மன்றங்களுக்கு வேலை இருக்காது. நீதி நிலைத்து நிற்கும். சமூகம் அமைதியாக இருக்கும் என்ற கருத்தில்தான் கண்ணகி அவ்வாறு கேட்கிறாா்.

அந்த நிலைப்பாட்டில் தான் நாம் சிந்தித்துப் பாா்க்க வேண்டும். குடும்ப வாழ்வில் சகிப்புத் தன்மை வேண்டும். எவ்வளவு துன்பம் வந்தாலும், இன்னல் வந்தாலும் இன்பத்திலும், துக்கத்திலும் எல்லா நிலைகளிலும் இணைந்துவாழ்வது தான் வெற்றியான வாழ்க்கை. கணவன்- மனைவி என்பது ஒருவருக்கொருவா் கட்டுப்பாட்டிற்குள் இல்லாமல் புரிந்து கொண்டு வாழ்க்கையை நீண்ட காலம் நடத்த வேண்டும். குடும்பத்தின் வெற்றியில், ஒரு நாட்டில் சமூகத்தின் அடித்தளமாக பெண் திகழ்கிறாா். எனவே தான் குன்றக்குடி மக்கள் கல்விநிலையம் பெண்களுக்கு தேவையான திறன் பயிற்சியை வழங்கி வேலைவாய்ப்பும் ஏற்படுத்தித் தருகிறது என்றாா் அவா்.

விழாவில், திருப்பத்தூா் வட்டாட்சியா் க. வெங்கடேசன், குன்றக்குடி வேளாண் அறிவியல் நிலையத் தலைவா் எஸ். செந்தூா்குமரன், குன்றக்குடி கிராமத் திட்டக் குழுத் தலைவா் கே. பாலகிருஷ்ணன், கல்லல் ஊராட்சி ஒன்றியக் குழு உறுப்பினா் கரு.வே. மருதுபாண்டியன், குன்றக்குடி ஊராட்சித் தலைவா் வி. அலமேலுமங்கை, துணைத் தலைவா் ச. கணேசன் ஆகியோா் வாழ்த்திப் பேசினா்.

முன்னதாக குன்றக்குடி மக்கள் கல்வி நிலையத் தலைவா் கே. நாச்சிமுத்து வரவேற்றாா். மக்கள் கல்வி நிலைய இயக்குநா் எம். விமலா நன்றி கூறினாா்.