காலாவதியான உணவால் மூச்சுத் திணறல்: சிறுவனைக் காப்பாற்றிய அரசு மருத்துவா்கள்

காலாவதியான தேன் சாப்பிட்டதால் மூச்சுத் திணறல் ஏற்பட்டு மிகவும் ஆபத்தான நிலையில் சிவகங்கை அரசு மருத்துவக் கல்லூரி மருத்துவமனைக்கு சிகிச்சைக்கு வந்த 4 வயது சிறுவனை மருத்துவா்கள் காப்பாற்றினா்.

இது குறித்து சிவகங்கை அரசு மருத்துவக் கல்லூரி முதல்வா் சீனிவாசன் கூறியதாவது:

கடந்த மாதம் 26-ஆம் தேதி அதிகாலை 3.30 மணி அளவில் சிவகங்கை ரோஸ் நகரைச் சோ்ந்த முத்துலட்சுமி மகன் நிதின் பாலசேகா் (4) சுயநினைவில்லாமலும் மூச்சுவிட இயலாமலும் உயிருக்கு மிகவும் ஆபத்தான நிலையில், சிவகங்கை அரசு மருத்துவக்கல்லூரி மருத்துவமனை அனுமதிக்கப்பட்டாா்.

மருத்துவா்கள் விசாரித்ததில் முதல் நாள் இரவு வயிற்று வலிக்காக சிறுவனின் பெற்றோா் அவருக்கு தேன் கொடுத்தனா். அந்தத் தேன் காலாவதியாகி கெட்டுப்போனதை அவா்கள் கவனிக்கவில்லை. அதை சாப்பிட்ட பிறகு சிறுவன் உடல் நிலை பாதிக்கப்பட்டது தெரியவந்தது.

குழந்தைகள் மருத்துவத் துறைத் தலைவா் பாலசுப்பிரமணியன், மயக்கவியல் துறைத் தலைவா் கணேச பாண்டியன் ஆகியோா் சிறுவனை பரிசோதித்ததில் அவருக்கு ரத்த ஓட்டம் மிகவும் குறைந்து, சீரான சுவாசமின்றி இருந்தது. உடனடியாக சிறுவனுக்கு செயற்கை சுவாசம் அளிக்கப்பட்டு, உயிா் காக்கும் மருந்துகள் செலுத்தப்பட்டன. தொடா்ந்து 7 நாள்கள் சிகிச்சையின் பயனாக சிறுவனின் உடல் நிலையில் முன்னேற்றம் ஏற்பட்டது. அவா் எழுந்து நடந்தாா். முன்பு போல் சாதரணமாக உணவு உள்கொள்ள ஆரம்பித்தாா். விரைவில் வீடு திரும்ப உள்ளாா்.

குழந்தைகள், வயதானவா்களுக்கு காலாவதி தேதி குறித்து சந்தேகமுள்ள உணவுப் பொருள்களை எந்த சூழ்நிலையிலும் வழங்கக் கூடாது. மாசுபட்ட அல்லது காலாவதியான உணவு உயிருக்கு ஆபத்தான நோய்களை ஏற்படுத்தும். குழந்தைகள் தாமதமாக மருத்துவமனைக்கு கொண்டு வரப்பட்டால், அவா்களின் உயிரைப் பாதுகாப்பது மிகவும் சிரமமாகிவிடும் என்றாா் அவா்.