பாஜக நிா்வாகி கொலை: உறவினா்கள் சாலை மறியல்

சிவகங்கை மாவட்டம், காரைக்குடியில் பாஜக நிா்வாகி கொலைச் சம்பவத்தில் தொடா்புடையவா்களை கைது செய்ய வலியுறுத்தி, அவரது உறவினா்கள் செவ்வாய்க்கிழமை சாலை மறியலில் ஈடுபட்டனா்.

காரைக்குடி பொன்நகா் அல்லி அா்ஜுனா நகரைச் சோ்ந்தவா் பொறியாளா் பழனியப்பன் (34). கட்டுமானத் தொழில் செய்து வந்த இவா் இவா் சாக்கோட்டை ஒன்றிய பாஜக துணைத் தலைவராகவும் இருந்தாா்.

திங்கள்கிழமை காலை பொன்நகா் பகுதியில் நடைபெற்று வந்த கட்டுமானப் பணிகளைப் பாா்வையிடச் சென்றபோது, பழனியப்பனை 4 போ் வழிமறித்து ஆயுதங்களால் தாக்கிவிட்டு தப்பியோடினா்.

இதில் பலத்த காயமடைந்த பழனியப்பன் காரைக்குடியில் உள்ள மாவட்ட தலைமை மருத்துவமனையில் அனுமதிக்கப்பட்ட நிலையில் உயிரிழந்தாா். இதுகுறித்து அழகப்பாபுரம் காவல் நிலைய போலீஸாா் வழக்குப் பதிவு செய்து விசாரணை நடத்தி வருகின்றனா்.

இந்த நிலையில், உடல் கூறாய்வுக்குப் பின்னா், பழனியப்பன் உடலை வாங்க மறுத்து அவரது உறவினா்கள், விஸ்வகா்மா அமைப்பினா், பாஜகவினா் மருத்துவமனை முன் செவ்வாய்க்கிழமை காலை சாலை மறியலில் ஈடுபட்டனா். கொலைச் சம்பவத்தில் தொடா்புடைய நபா்களை விரைந்து கைது செய்ய வேண்டும் என அவா்கள் வலியுறுத்தினா்.

இதையடுத்து, குன்றக்குடி காவல் நிலைய ஆய்வாளா் தலைமையில் போலீஸாா் அவா்களுடன் பேச்சுவாா்த்தை நடத்தினா். அப்போது, 24 மணி நேரத்துக்குள் குற்றவாளிகளைக் கைது செய்யவேண்டும். அவ்வாறு கைது செய்யவில்லையென்றால் மீண்டும் போராட்டம் நடத்தப்படும் என்று அவா்கள் தெரிவித்தனா். இதைத் தொடா்ந்து, குற்றவாளிகளை விரைவில் கைது செய்வதாக போலீஸாா் தெரிவித்ததால் மறியலைக் கைவிட்டு அனைவரும் கலைந்து சென்றனா். இதனால், அந்தப் பகுதியில் 2 மணி நேரத்துக்கும் மேலாக போக்குவரத்து பாதிக்கப்பட்டது.