தேனி மாவட்டத்தில் வெள்ளிக்கிழமை சராசரி 70.8 மி.மீ., மழை பெய்துள்ளது.
மாவட்டத்தில் கடந்த ஆக.7-ம் தேதி முதல் தொடர்ந்து சாரல் மழை பெய்து வருகிறது. தொடர் மழையாலும், முல்லைப் பெரியாறு அணையில் இருந்து விநாடிக்கு 1,100 கன அடி வீதம் தண்ணீர் திறக்கப்பட்டுள்ளதாலும் ஆற்றில் தண்ணீர் வரத்து அதிகரித்துள்ளது. கொட்டகுடி மற்றும் மூல வைகை ஆற்றில் தண்ணீர் வரத்து உள்ளது.
வீரபாண்டியில் வெள்ளிக்கிழமை அதிக அளவாக 61 மி.மீ., மழை பெய்துள்ளது. ஆண்டிபட்டியில் 29 மி.மீ., அரண்மனைப்புதூரில் 55.8, போடியில் 44.2, பெரியகுளத்தில் 29, மஞ்சளாறு அணை நீர்பிடிப்பில் 21, சோத்துப்பாறை அணை நீர்பிடிப்பில் 37, வைகை அணை நீர்பிடிப்பில் 27, உத்தமபாளையத்தில் 57.1, கூடலூரில் 53 மி.மீ., மழை பதிவாகியிருந்தது.
முல்லைப் பெரியாறு அணை நீர்பிடிப்பில் 200.6 மி.மீ., தேக்கடியில் 235 மி.மீ., மழை பதிவாகியிருந்தது.