ஹைவேவிஸ் மலைக் கிராமத்தில் 3 யானைகள் கூட்டமாக தேயிலைத் தோட்டத்தில் உலாவுவதால் தொழிலாளா்கள் வெளியே வரமுடியாமல் அச்சத்தில் வீடுகளுக்குள்ளேயே முடங்கியுள்ளனா்.
தேனி மாவட்டம் ஹைவேவிஸ் மலைப்பகுதியில் 7 மலைக்கிராமங்கள் உள்ளன. இந்த கிராமங்களில் 1000 ஹெக்டோ் பரப்பளவில் தேயிலைத் தோட்டங்கள் உள்ளன. இங்கு அப்பகுதியை சோ்ந்தவா்கள் கூலித் தொழிலாளா்களாக வேலை செய்கின்றனா்.
இந்நிலையில் அப்பகுதியில் சுற்றித்திரிந்த ஒற்றை யானை தாக்கி 2 தொழிலாளா்கள் உயிரிழந்தனா்.
இதனால் அடா்ந்த வனப்பகுதிக்கு அருகேயுள்ள தேயிலைத் தோட்டங்களுக்கு செல்ல முடியாமல் தொழிலாளா்கள் அச்சத்தில் முழ்கியுள்ளனா். இதனால் கிறிஸ்துமஸ் தினத்தில் தேவாலயங்களில் நடைபெற்ற சிறப்பு பிராா்த்தனையில் கலந்து கொள்ள அச்சத்துடனே சென்று வந்ததாகவும் அவா்கள் தெரிவித்தனா்.
உலாவும் யானைக்கூட்டம்: தற்போது ஒற்றை யானையுடன், 2 யானைகள் சோ்ந்து 3 யானைகள் மொத்தமாக அங்குள்ள தேயிலைத்தோட்டங்களில் உலாவுகின்றன. இதனால் தோட்டத் தொழிலாளா்கள் வீட்டை விட்டு வெளியேற முடியாமல் முடங்கியுள்ளனா். எனவே, வனத்துறையினா் கும்கி யானையை வரவழைத்து, யானைகளை அடா்ந்த வனப்பகுதிக்கு விரட்டுவதற்கு நடவடிக்க எடுக்க வேண்டும் என தோட்டத் தொழிலாளா்கள் கோரிக்கை விடுத்துள்ளனா்.