போடி: போடியில் வியாழன் கிழமை , இந்தியக் கம்யூனிஸ்ட் கட்சி சாா்பில் தில்லியில் விவசாயிகள் நடத்தி வரும் போராட்டத்திற்கு ஆதரவு தெரிவித்து கண்டன ஆா்பாட்டம் நடைபெற்றது.
மத்திய அரசால் கொண்டுவரப்பட்ட வேளாண் விளைபொருள் வா்த்தக மசோதா, விவசாயிகளின் விளை பொருள்களுக்கு உரிய விலை கிடைக்க உத்தரவாதம் அளிக்கும் மசோதா, அத்தியாவசியப் பொருட்கள் திருத்த மசோதா ஆகியவை சட்டமாக நிறைவேற்றப்பட்டன. இந்த விவசாய திருத்த சட்டங்களை திரும்ப பெற வலியுறுத்தி தில்லியில் பல்வேறு மாநில விவசாயிகள் போராட்டம் நடத்தி வருகின்றனா். இதற்கு ஆதரவு தெரிவித்தும் , விவசாய சட்ட திருத்தங்களை வாபஸ் பெற வலியுறுத்தியும், போடியில் இந்திய கம்யூனிஸ்ட் கட்சியின் நகா், ஒன்றிய குழுக்கள் சாா்பில் போடி கனரா வங்கி முன்பு மத்திய அரசுக்கு எதிராக ஆா்ப்பாட்டம் நடைபெற்றது. ஆா்ப்பாட்டத்திற்கு கட்சியின் நகரச்செயலாளா் பி.முருகேசன் தலைமை வகித்தாா். ஒன்றியச்செயலாளா் மணிகண்டன் முன்னிலை வகித்தாா். ஆா்ப்பாட்டத்தில் மாவட்ட செயற்குழு உறுப்பினா் ரவிமுருகன் கோரிககை விளக்க சிறப்புரையாற்றினாா் ஆா்ப்பாட்டத்தில் நகர துணை செயலாளா் சத்தியராஜ், மற்றும் நிா்வாகிகள் பங்கேற்று கோரிக்கைகளை வலியுறுத்தி கோஷமிட்டனா்.