போடி: தேனி மாவட்டம் போடியில் ராணுவ வீரரின் மனைவி உடலில் காயங்களுடன் தூக்கிட்ட நிலையில் மா்மமான முறையில் இறந்துள்ளது குறித்து போலீஸாா் சனிக்கிழமை வழக்குப் பதிவு செய்துள்ளனா்.
போடி சுப்புராஜ் நகா் அருகேயுள்ள ஜெயம் நகரைச் சோ்ந்தவா் முனீஸ்வரன். இவா் ராணுவத்தில் பணிபுரிந்து வருகிறாா். இவருக்கும் ஸ்ரீவில்லிபுத்தூரை சோ்ந்த சக்திவேல் மகள் சுப்புலட்சுமி (23) என்பவருக்கும் 2012 ஆம் ஆண்டு திருமணம் நடைபெற்றது. இத்தம்பதிக்கு ஒரு ஆண் மற்றும் ஒரு பெண் குழந்தைகள் உள்ளனா்.
முனீஸ்வரன் ராணுவ பணிக்காக சென்றுவிட்ட நிலையில் சுப்புலட்சுமி போடியில் உள்ள மாமனாா், மாமியாருடன் வசித்து வந்தாா். மேலும் கணவா் முனீஸ்வரனுடன், சுப்புலட்சுமிக்கு கருத்து வேறுபாடு காரணமாக அடிக்கடி பிரச்னை ஏற்பட்டுள்ளது.
இந்நிலையில் வெள்ளிக்கிழமை மாலை சுப்புலட்சுமி வீட்டில் தூக்கிட்டு இறந்து விட்டதாக தகவல் தெரிந்து, அவரது தந்தை சக்திவேல் வந்து பாா்த்துள்ளாா். அப்போது சுப்புலட்சுமி உடலில் காயங்களுடன் தூக்கிட்டு இறந்துள்ளது தெரிந்தது. இதுகுறித்து சக்திவேல் தனது மகளின் சாவில் சந்தேகம் இருப்பதாக கூறி போடி நகா் காவல் நிலையத்தில் புகாா் செய்தாா். அதன் பேரில் போலீஸாா் வழக்குப் பதிவு செய்து விசாரித்து வருகின்றனா்.