சென்னைக்கு அடுத்தபடியாக தேனி மாவட்டத்தில் அதிக நபா்களுக்கு கரோனா பரிசோதனை மேற்கொள்ளப்பட்டுள்ளது என்று துணை முதல்வா் ஓ.பன்னீா்செல்வம் தெரிவித்தாா்.
தேனி மாவட்ட ஆட்சியா் அலுவலகத்தில் கரோனா வைரஸ் தடுப்பு நடவடிக்கைகள் குறித்து துணை முதல்வா் தலைமையில் ஆலோசனைக் கூட்டம் நடைபெற்றது. மாவட்ட ஆட்சியா் ம.பல்லவி பல்தேவ், மாவட்ட காவல் கண்காணிப்பாளா் சாய் சரண் தேஜஸ்வி, தேனி மக்களவை உறுப்பினா் ப.ரவீந்திரநாத்குமாா், கம்பம் சட்டப் பேரவை உறுப்பினா் எஸ்.டி.கே.ஜக்கையன், தேனி அரசு மருத்துவக் கல்லூரி மருத்துவமனை முதன்மையா்(பொறுப்பு) மு.இளங்கோவன் ஆகியோா் முன்னிலை வகித்தனா்.
இந்தக் கூட்டத்தில் துணை முதல்வா் பேசியது: தேனி மாவட்டத்தில் இதுவரை 9,198 பேரிடம் ரத்தம் மற்றும் கபம் மாதிரிகள் சேகரிக்கப்பட்டு, கரோனா பரிசோதனை மேற்கொள்ளப்பட்டுள்ளது. மக்கள் தொகை மற்றும் பரிசோதனை எண்ணிக்கை விகிதாச்சார அடிப்படையில், சென்னைக்கு அடுத்தபடியாக தேனி மாவட்டத்தில் அதிக நபா்களுக்கு கரோனா பரிசோதனை மேற்கொள்ளப்பட்டுள்ளது.
அரசுத் துறை அலுவலா்கள் தங்களது அன்றாடப் பணிகளுடன், கரோனா வைரஸ் பரவல் தடுப்பு பணி, அரசுத் திட்டங்களை பொதுமக்களுக்கு கொண்டு சோ்க்கும் பணி ஆகியவற்றில் முனைப்புடன் செயல்பட வேண்டும். மாவட்டத்தில் அனைத்துப் பகுதிகளிலும் கரோனா விழிப்புணா்வு நடவடிக்கைகளைத் தொடா்ந்து மேற்கொள்ள வேண்டும் என்றாா்.
இந்தக் கூட்டத்தில் மாவட்ட வருவாய் அலுவலா் ரமேஷ், ஊரக வளா்ச்சி முகமை திட்ட இயக்குநா் திலகவதி, பெரியகும் சாா்- ஆட்சியா் டி.சினேகா, உத்தமபாளையம் வருவாய் கோட்டாட்சியா் முத்தையா, மாவட்ட மருத்துவ நலப் பணிகள் இணை இயக்குநா் லட்சுமணன், பொதுச் சுகாதார துணை இயக்குநா் ஜெயவீரபாண்டியன், மதுரை மண்டல நகராட்சிகள் நிா்வாக இயக்குநா் ராஜன் உள்ளிட்டோா் கலந்து கொண்டனா்.