போடி அருகே வியாழக்கிழமை தேனி மக்களவைத் தொகுதி உறுப்பினா் காா் மீது கல்வீசிய சம்பவத்தில், அமமுக பிரமுகா் கைது செய்யப்பட்டாா். இதைக் கண்டித்து, அவரது உறவினா்கள் சாலை மறியலில் ஈடுபட்டனா்.
போடி அருகே பெருமாள்கவுண்டன்பட்டி கிராமத்தில் தோ்தல் நாளன்று வாக்குச் சாவடியை பாா்வையிட, தேனி மக்களவைத் தொகுதி உறுப்பினா் ப. ரவீந்திரநாத் வந்தாா். அப்போது, அவா் காா் மீது சிலா் கல்வீசி தாக்குதல் நடத்தினா். இதில், காா் சேதமடைந்தது. இது குறித்து காா் ஓட்டுநா் பாண்டியன் அளித்த புகாரின்பேரில், பெரியபாண்டி, மாயி உள்பட 17-க்கும் மேற்பட்டவா்கள் மீது, போடி தாலுகா காவல் நிலைய போலீஸாா் வழக்குப் பதிவு செய்திருந்தனா்.
தொடா்ந்து, அமமுகவைச் சோ்ந்த மாயி (55) என்பவரை போலீஸாா் வியாழக்கிழமை காலையில் கைது செய்து, காவல் நிலையம் அழைத்துச் சென்றனா். இதற்கு எதிா்ப்பு தெரிவித்து, கிராம மக்கள் சாலை மறியலில் ஈடுபட்டனா். இதனால், அப்பகுதியில் அரை மணி நேரம் போக்குவரத்து பாதிக்கப்பட்டது.
உடனே, போடி தாலுகா காவல் நிலைய சாா்பு-ஆய்வாளா் வேல்மணிகண்டன் மற்றும் போலீஸாா் சம்பவ இடத்துக்குச் சென்று கிராம மக்களிடம் பேச்சுவாா்த்தை நடத்தினா். அதையடுத்து, அவா்கள் சாலை மறியலை கைவிட்டு கலைந்து சென்றனா்.