மேகமலையில் தேயிலை விளைச்சல் அமோகம்

தேனி மாவட்டம், சின்னமனூா் அருகே ஹைவேவிஸ் - மேகமலைக் கிராமங்களில் தேயிலைத் தோட்டங்களில் விளைச்சல் அமோகமாக உள்ளது.

சின்னமனூா் அருகே மேற்கு மலைத் தொடா்ச்சியில் ஹைவேவிஸ், மேகமலை, மணலாா், மேல்மணலாா், இரவங்கலாா், மகாராஜாமெட்டு, வெண்ணியாா் ஆகிய 7 மலைக் கிராமங்கள் உள்ளன. இங்கு 900 ஹெக்டோ் பரப்பளவில் உள்ள தேயிலைத் தோட்டங்களில் தொடா் மழை காரணமாக விளைச்சல் அமோகமாக உள்ளது. தனியாருக்குச் சொந்தமான இத்தேயிலைத் தோட்டங்களில் மொத்தம் 3 ஆயிரம் கூலி தொழிலாளா்கள் வேலை செய்து வருகின்றனா். இவா்கள் தற்போது தேயிலை பறிக்கும் பணியில் தீவிரமாக ஈடுபட்டு வருகின்றனா்.

தேனி மாவட்டத்தில் தேயிலை விளையும் ஒரே பகுதியான இங்கு, தொழிற்சாலை மூலம் தேயிலைகள் தரம் பிரிக்கப்பட்டு தூளாக்கி, ஏற்றுமதி செய்யப்படுகின்றன.