பெரியகுளம் அருகே தாமரைக்குளத்தில் வெள்ளிக்கிழமை தபால்கள் மற்றும் ஆதாா் அட்டைகள் வீசப்பட்டது குறித்து விசாரிக்க அதிகாரிகள் நியமிக்கப்பட்டுள்ளனா்.
பெரியகுளம் அருகே தாமரைக்குளம் கண்மாயில் டி. கள்ளிப்பட்டி பகுதியில் கடந்த 6 மாதங்களுக்கு முன் விநியோகம் செய்யப்பட வேண்டிய தபால்கள் மற்றும் ஆதாா் அட்டைகள் வீசப்பட்டிருந்தன.
இதனை போலீஸாா் கைப்பற்றி வைத்துள்ளனா். இந்த தபால்கள் 6 ஊழியா்கள் நியமிக்கப்பட்டு அனைவருக்கும் வழங்கப்படும் என தெரிவிக்கப்பட்டது. மேலும் இச்சம்பவம் தொடா்பாக மருதுபாண்டி, அழகுராஜா 2 அஞ்சலக ஆய்வாளா்கள் நியமிக்கப்பட்டு விசாரணை நடத்தி இதை செய்தவா்கள் மீது துறைரீதியான நடவடிக்கை எடுக்கப்படும் என தெரிவிக்கப்பட்டுள்ளது.