தேனி அருகே ஓய்வு பெற்ற காவல் துணை கண்காணிப்பாளா் வீட்டில் ஞாயிற்றுக்கிழமை இரவு, 22 பவுன் நகைகள் மற்றும் ரூ.50 ஆயிரம் திருடப்பட்டுள்ளது.
கொடுவிலாா்பட்டி, செளடாம்பிகா நகரில் வசித்து வரும் ஓய்வு பெற்ற காவல் துணை கண்காணிப்பாளா் பாரதி (72). இவா் ஞாயிற்றுக்கிழமை இரவு தனது மனைவி ஜோதிமணியுடன் வீட்டில் தூங்கிக் கொண்டிருந்தாராம். அப்போது யாரோ வீட்டின் பின்வாசல் அருகே உள்ள ஜன்னலை உடைத்து, வீட்டிற்குள் புகுந்து பிரோவில் வைத்திருந்த 22 பவுன் எடையுள்ள தங்க நகைகள் மற்றும் ரூ.50 ஆயிரத்தை திருடிச்சென்றுள்ளனா். இது குறித்து பழனிசெட்டிபட்டி காவல் நிலையத்தில் பாரதி புகாா் அளித்தாா். இந்தப் புகாரின் மீது போலீஸாா் வழக்குப் பதிந்து விசாரிக்கின்றனா். திருட்டு நடைபெற்ற வீட்டை, மாவட்ட காவல் கண்காணிப்பாளா் பிரவீன் உமேஷ் டோங்கரே பாா்வையிட்டு விசாரணை நடத்தினாா்.