பணப்பெட்டிகளையும், தீய சக்திகளையும் வாக்காளா்கள் புறக்கணிக்க வேண்டும் என போடியில் திங்கள்கிழமை பிரசாரம் செய்த டி.டி.வி. தினகரன் வேண்டுகோள் விடுத்தாா்.
தேனி மாவட்டம் போடிநாயக்கனூா் சட்டப்பேரவை தொகுதி தோ்தலில் போட்டியிடும் அமமுக வேட்பாளா் மு.முத்துச்சாமியை ஆதரித்து போடி தேவா் சிலை திடலில் அக்கட்சியின் பொதுச் செயலாளா் டி.டி.வி.தினகரன் பேசியது: அமமுக உருவானதற்கு இந்த தொகுதியின் வேட்பாளா் ஓ.பன்னீா்செல்வம்தான் காரணம். அவருக்கு பல நாக்குகள் உள்ளன. தோ்தல் வந்ததும் அவருக்கு ஞானதோயம் வந்து விட்டது.
சசிகலாவை எதிா்த்தவா் தற்போது சசிகலாவின் மேல் பாசம் காட்டுகிறாா். அவா் மீதுள்ள அக்கறையில்தான் தா்மயுத்தம் நடத்தியதாகக் கூறுகிறாா். அவா்கள் துரோகிகளாக மாறிவிட்டாா்கள்.
அதிமுகவினா் பண மூட்டைகளை நம்பியே தோ்தலில் போட்டியிடுகிறாா்கள். அதிமுகவை மீட்பதற்காகத்தான் கட்சி ஆரம்பித்தோம். ஆனால் தங்க தமிழ்ச்செல்வனோ அதிமுகவில் இருந்துவிட்டு அமமுகவிற்கு வந்தாா். ஆனால் ஜெயலலிதாவும், சசிகலாவும் தீய சக்தி என்று கூறிய திமுகவில் தங்க.தமிழ்ச்செல்வன் சோ்ந்து போட்டியிடுகிறாா்.
இன்றைக்கு தொலைக்காட்சிகளில் கருத்துக் கணிப்பு என்ற பெயரில் கருத்துத் திணிப்பு நடக்கிறது. எல்லாம் ‘ஐபேக்’ செய்கிற வேலை. கருத்துக் கணிப்பு உண்மை என்றால் திருச்சியில் காவல்துறையினருக்கு ஏன் பணம் தரவேண்டும். என்னை நிதானமாக செயல்பட வேண்டும் என ஓ.பன்னீா்செல்வம் கூறுகிறாா். நான் நிதானமாகத்தான் செயல்படுகிறேன். நான் அவசரக்காரன் அல்ல. ஆனால் வேகமானவன்.
பண மூட்டைகளையும், தீய சக்திகளையும் நம்பி வாக்களிக்காதீா்கள். அவா்களை தோ்தலில் புறக்கணியுங்கள். ஏற்கெனவே கஜானாவை தூா்வாரிவிட்டாா்கள்.
ஜெயலலிதா 69 சதவீத ஒதுக்கீட்டை சிரமப்பட்டு வாங்கிக் கொடுத்தாா். ஆனால் உள்ஒதுக்கீடு என்ற பெயரில் இட ஒதுக்கீட்டை சீா்குலைத்து விட்டாா்கள். அமமுக ஆட்சி அமைந்தவுடன் மக்கள்தொகை கணக்கெடுப்பு அடிப்படையில் உள் ஒதுக்கீடு வழங்கப்படும். டிஎன்டி சான்று வழங்க நடவடிக்கை எடுக்கப்படும்.
போடி நகா் பகுதியில் இலவச குடிநீா் 24 மணி நேரமும் வழங்கப்படும். கேரளத்துக்கு சென்று வரும் தோட்டத் தொழிலாளா்களுக்கு தனி நல வாரியம் அமைக்கப்படும். போடியில் புதை சாக்கடை வரி ரத்து செய்யப்படும். போடி கொட்டகுடி ஆற்றில் அணை கட்டப்படும்.
விவசாயிகள் நலன் கருதி மலைச்சாலை அமைக்கப்படும். காய்கனி சந்தை அமைக்கப்படும். அரசு மருத்துவமனையை விரிவுபடுத்தி நவீனமயமாக்கப்படும். படித்த இளைஞா்களுக்கு தோ்வு எழுத பயிற்சி மையம் அமைக்கப்படும்.
ஏலக்காய், மா, வாழை, காய்கனிகளை பாதுகாக்க குளிா்பதன வசதி செய்யப்படும். போடி நூலகம் புதுப்பிக்கப்படும். போடி சாந்திவனம் மயானம் புதுப்பிக்கப்படும். பணம் கொடுத்து ஓட்டை விலைக்கு வாங்க நினைக்கிறாா்கள். ஆட்சி அதிகாரத்தை நல்லவா்கள் கையில் கொடுங்கள் என்றாா்.
பிரசாரத்தின்போது போடி அ.ம.மு.க. வேட்பாளா் மு.முத்துச்சாமி, கட்சியின் நகரச் செயலா் ஞானவேல் மற்றும் கூட்டணிக் கட்சியினா் பங்கேற்றனா்.