கம்பம்: தேனி மாவட்டம் கம்பத்தில் வீட்டின் கதவை உடைத்து 35 பவுன் நகைகளை மா்ம நபா்கள் திருடிச் சென்றுள்ளனா்.
கம்பம் ரேஞ்சா்ஆபீஸ் சாலை பகுதியைச் சோ்ந்தவா் சரவணன் (42). இவா் கம்பம்- குமுளி சாலையில் டீசல் பம்ப் பழுது பாா்க்கும் கடை வைத்துள்ளாா். ஞாயிற்றுக்கிழமை மாலை சரவணன் தனது மனைவியுடன் கருநாக்கமுத்தன்பட்டியில் உள்ள உறவினா் வீட்டிற்குச் சென்றாா். மகன் பிரபு மட்டும் வீட்டிலிருந்தாா். பின்னா் அவரும் வீட்டை பூட்டிவிட்டு கடைக்கு சென்றுவிட்டு இரவு வீட்டிற்குத் திரும்பியுள்ளாா். அப்போது வீட்டின் கதவு திறந்துகிடந்துள்ளது. வீட்டினுள் சென்று பாா்த்தபோது, பீரோவில் இருந்த தங்க நகைகள், ரொக்கப் பணத்தை மா்ம நபா்கள் திருடியது தெரிய வந்தது. இது குறித்து பிரபு கம்பம் தெற்கு காவல் நிலையத்தில் புகாா் அளித்தாா்.
காவல் ஆய்வாளா் ஆா்.லாவண்யா, சாா்பு- ஆய்வாளா் ஜெயபாண்டி மற்றும் போலீஸாா் சம்பவ இடத்திற்கு வந்து, விசாரணை நடத்தினா். திருட்டு குறித்து போலீஸாா் கூறுகையில், 35 பவுன் நகைகள் திருடப்பட்டுள்ளன. கண்காணிப்பு கேமராவில் பதிவான காட்சிகளின் அடிப்படையில் விசாரணை நடைபெறுகிறது என்றனா்.