தேனி மாவட்டத்தில் தமிழ்நாடு சீருடைப் பணியாளா் தோ்வு வாரியம் சாா்பில் நடைபெற்ற காவல் சாா்பு- ஆய்வாளா் பணிக்கான எழுத்துத் தோ்வை சனிக்கிழமை 5 தோ்வு மையங்களில் மொத்தம் 3,787 போ் எழுதினா்.
மாவட்டத்தில் தேனி மேரி மாதா மெட்ரிக் பள்ளி, முத்துத்தேவன்பட்டியில் உள்ள தேனி மேலப்பேட்டை இந்து நாடாா் உறவின் முறை மெட்ரிக் பள்ளி, கொடுவிலாா்பட்டியில் உள்ள கம்மவாா் சங்கம் பொறியியல் கல்லூரி ஆகியவற்றில் அமைக்கப்பட்டிருந்த 5 தோ்வு மையங்களில் காவல் சாா்பு-ஆய்வாளா் பணிக்கான எழுத்துத் தோ்வு நடைபெற்றது. இதில், தோ்வு எழுதுவதற்கு அழைப்பாணை அனுப்பப்பட்டிருந்த 4,522 பேரில், மொத்தம் 3,787 போ் தோ்வு எழுதினா். 735 போ் தோ்வு எழுத வரவில்லை.
தோ்வு மையங்களில் காவல் துறை செயலாக்கப் பிரிவு ஏ.டி.ஜி.ஜி., பாலநாகதேவி, மாவட்ட காவல் கண்காணிப்பாளா் பிரவீன் உமேஷ் டோங்கரே ஆகியோா் தோ்வு நடைமுறைகளை பாா்வையிட்டு ஆய்வு செய்தனா்.