தேனி மாவட்டத்தில் உள்ளாட்சி அமைப்புகளில் காலியாக உள்ள 9 பதவிகளுக்கு போட்டியிட மொத்தம் 28 போ் வேட்பு மனு தாக்கல் செய்துள்ளனா்.
மாவட்டத்தில் பெரியகுளம் நகராட்சி 26-வது வாா்டு உறுப்பினா், வடபுதுப்பட்டி ஊராட்சித் தலைவா், 3-வது வாா்டு உறுப்பினா், டி.வாடிப்பட்டி ஊராட்சி 4-வது வாா்டு, மொட்டனூத்து ஊராட்சி 8-வது வாா்டு, ரெங்கசமுத்திரம் 1-வது வாா்டு உறுப்பினா், முத்தாலம்பாறை ஊராட்சி 6-வது வாா்டு உறுப்பினா், தும்மக்குண்டு ஊராட்சி 7-வது வாா்டு உறுப்பினா், சின்னஓவுலாபுரம் ஊராட்சி 7-வது வாா்டு உறுப்பினா் ஆகிய 9 பதவிகளுக்கு கடந்த ஜூன் 20-ம் தேதி வேட்பு மனு தாக்கல் தொடங்கியது. வேட்பு மனு தாக்கலுக்கு இறுதி நாளான திங்கள்கிழமை வரை, பெரியகுளம் நகராட்சி வாா்டு உறுப்பினா் பதவிக்கு 5 போ், வடபுதுப்பட்டி ஊராட்சித் தலைவா் பதவிக்கு 13 போ், டி.வாடிப்பட்டி ஊராட்சி வாா்டு உறுப்பினா் பதவிக்கு 2 போ், வடபுதுப்பட்டி, மொட்டனூத்து, ரெங்கசமுத்திரம், முத்தாலம்பாறை, தும்மக்குண்டு ஆகிய ஊராட்சிகளின் வாா்டு உறுப்பினா் பதவிகளுக்கு தலா ஒருவா், சின்னஓவுலாபுரம் ஊராட்சி வாா்டு உறுப்பினா் பதவிக்கு 3 போ் என மொத்தம் 28 போ் வேட்பு மனு தாக்கல் செய்துள்ளனா். வேட்பு மனு பரிசீலனை செவ்வாய்கிழமை(ஜூன் 28) நடைபெறுகிறது. வேட்பு மனுக்களை ஜூன் 30-ம் தேதிக்குள் வாபஸ் பெற்றுக் கொள்ளலாம். அனைத்து பதவிகளுக்கும் வரும் ஜூலை 9-ம் தேதி தோ்தல் நடைபெறுகிறது. வடபுதுப்பட்டி, மொட்டனூத்து, ரெங்கசமுத்திரம், முத்தாலம்பாறை, தும்மக்குண்டு ஆகிய ஊராட்சிகளின் வாா்டு உறுப்பினா் பதவிகளுக்கு தலா ஒருவா் மட்டும் வேட்பு மனு தாக்கல் செய்துள்ளதால், அங்கு வாா்டு உறுப்பினா்கள் போட்டியின்றி தோ்வாகும் வாய்ப்பு உள்ளது.