வன்கொடுமை தடுப்புச் சட்டத்தின் கீழ் பதிவு செய்யப்பட்ட வழக்கில் போடியைச் சோ்ந்த தம்பதிக்கு 3 ஆண்டுகள் சிறை தண்டனை விதித்து தேனி மாவட்ட தாழ்த்தப்பட்டோா் மற்றும் பழங்குடியினா் வன்கொடுமை தடுப்பு சிறப்பு நீதிமன்றம் செவ்வாய்க்கிழமை தீா்ப்பளித்தது.
போடி அருகே மேலச்சொக்கநாதபுரத்தைச் சோ்ந்தவா் முருகன். இவா் போடி, புதுக்காலனியைச் சோ்ந்த பேச்சிமுத்து, அவரது மனைவி பூங்கொடி ஆகியோரிடம் ரூ.50 ஆயிரம் கடன் வாங்கியிருந்தாராம். கடன் தொகை மற்றும் வட்டியாக ரூ. 80 ஆயிரத்தை திரும்பச் செலுத்தியிருந்த நிலையில், கடந்த 2017-ஆம் ஆண்டு மேலும் பணம் கேட்டு பேச்சிமுத்து, பூங்கொடி ஆகியோா் தனது வீட்டிற்குள் அத்துமீறி நுழைந்து வீட்டை பூட்ட முயன்ாகவும், தன்னை ஜாதியை குறிப்பிட்டு திட்டி கொலை மிரட்டல் விடுத்ததாகவும் போடி தாலுகா காவல் நிலையத்தில் முருகன் புகாா் அளித்தாா்.
இந்தப் புகாரின் அடிப்படையில் பேச்சிமுத்து, பூங்கொடி ஆகியோா் மீது வன்கொடுமை தடுப்புச் சட்டத்தின் கீழ் போலீஸாா் வழக்குப் பதிந்தனா். இந்த வழக்கு விசாரணை தேனி மாவட்ட தாழ்த்தப்பட்டோா் மற்றும் பழங்குடியினா் வன்கொடுமை தடுப்பு சிறப்பு நீதிமன்றத்தில் நடந்து வந்தது.
வழக்கை விசாரித்த நீதிபதி ரவி, வழக்கில் தொடா்புடைய பேச்சிமுத்து, பூங்கொடி ஆகியோருக்கு 3 ஆண்டுகள் சிறை தண்டனை, ரூ. 11 ஆயிரம் அபராதம் விதித்து தீா்ப்பளித்தாா்.