தேனி: வீரபாண்டியில் ராட்டினம் சீரமைப்புப் பணியிலிருந்த தொழிலாளி மின்சாரம் பாய்ந்து உயிரிழந்த விவகாரத்தில், ராட்டின உரிமையாளா், ஒப்பந்ததாரா்கள் என 4 போ் மீது போலீஸாா் புதன்கிழமை வழக்குப் பதிவு செய்துள்ளனா்.
வீரபாண்டியில் கெளமாரியம்மன் கோயில் சித்திரை திருவிழாவுக்காக ராட்டினத்தை சீரமைத்துக் கொண்டிருந்த உப்பாா்பட்டியைச் சோ்ந்த முத்துக்குமாா் (32) என்பவா், ராட்டினம் அருகே இருந்த உயா் கோபுர மின்விளக்குக் கம்பத்தில் மின்கசிவு ஏற்பட்டு உடலில் மின்சாரம் பாய்ந்து உயிரிழந்தாா்.
இச்சம்பவத்தில் போதிய பாதுகாப்பு உபரணங்களை பயன்படுத்தாமல் அலட்சியமாக இருந்ததாக, ராட்டின உரிமையாளா் வாணியம்பாடியைச் சோ்ந்த மோகன், ராட்டினத் திடல் ஒப்பந்ததாரா்களான வீரபாண்டியைச் சோ்ந்த தங்கதுரை, தேனியைச் சோ்ந்த குணசேகரன், வயல்பட்டியைச் சோ்ந்த ரமேஷ் ஆகியோா் மீது, வீரபாண்டி காவல் நிலைய போலீஸாா் வழக்குப் பதிந்து விசாரிக்கின்றனா்.