கல்லூரியில் உலக சுற்றுலா தினம்

சிவகாசி ஸ்ரீ காளீஸ்வரி கல்லூரி சுற்றுலா மற்றும் உணவக நிர்வாகத்துறை சார்பில் சனிக்கிழமை உலக சுற்றுலா தினவிழா நடைபெற்றது.

 நிகழ்ச்சிக்கு முதல்வர் சீ.கிருஷ்ணமூர்த்தி தலைமை வகித்தார். மாணவர் வி.சீனிவாசன் வரவேற்றார். கல்லூரி தாளாளர் ஏ.பி.செல்வராஜன் சிறப்புரையாற்றி பேசியதாவது: உலக அளவில் வேகமாக வளர்ச்சி பெற்று வருவது சுற்றுலாத்துறையாகும். வேலைவாய்ப்புக்கள் சுற்றுலாத்துறையில் அதிகம் உள்ளது. மாணவர்கள் பல நாட்டு மொழிகளை கற்று வாழ்வில் உயர வேண்டும் என்றார். இதற்கான ஏற்பாட்டினை துறைத் தலைவர் ஜான்டேவிட்குமார் செய்திருந்தார்.