செங்கோட்டை-மதுரை பயணிகள் ரயில் நேரம் மாற்றம்

சிலம்பு விரைவுரயில் செங்கோட்டை வரை நீட்டிக்கப்பட்டதால், செங்கோட்டை - மதுரை, மற்றும் திருநெல்வேலி பயணிகள் ரயில்களின் நேரம் மாற்றியமைக்கப்பட்டுள்ளது.
வாரம் இருமுறை இயங்கும் சிலம்பு விரைவு ரயில் செங்கோட்டையில் மாலை 4 மணிக்குப் புறப்பட்டு 5.20க்கு ராஜபாளையம் வருகிறது. இதனால் பயணிகள் ரயில் நேரங்களில் மாற்றம் செய்யப்பட்டுள்ளது. செங்கோட்டையில் இருந்து தற்போது மதுரைக்கு மாலை 3.50க்கு புறப்படும் பயணிகள் ரயில், மாலை 3.40க்கு புறப்படும். ராஜபாளையத்துக்கு 5 மணிக்கு வரும் இந்த ரயில் மதுரைக்கு, வழக்கமான நேரமான இரவு 7.35க்கு சென்றடையும்.
செங்கோட்டையில் இருந்து திருநெல்வேலிக்கு மாலை, 3.30க்கு இயக்கப்படும் பயணிகள் ரயில், 3.20க்கு புறப்படும் என மதுரை கோட்ட ரயில்வே தெரிவித்துள்ளது.