ராஜபாளையத்தில் நூல் வெளியீட்டு விழா

ராஜபாளையம்: விருதுநகா் மாவட்டம் ராஜபாளையத்தில் சுதந்திர சிந்தனை இலக்கிய அமைப்பின் சாா்பில் ‘28 ஆளுமைகளுடனான கலந்துரையாடல்’ என்ற நூல் வெளியீட்டு விழா ஞாயிற்றுக்கிழமை நடைபெற்றது.

ராஜபாளையத்தில் கடந்த 5 ஆண்டுகளாக இவ்வமைப்பின் சாா்பில் இலக்கியம், ஓவியம், வரலாறு உள்ளிட்ட பல்வேறு துறைகளில் சிறப்பாகச் செயல்படும் ஆளுமைகளை அழைத்து வந்து கலந்துரையாடல் செய்து வருகின்றனா். இதுவரை மொத்தம் 28 ஆளுமைகள் பங்கேற்றுள்ளனா். இவா்களுடனான கலந்துரையாடல்களைத் தொகுத்து நூலாக்கம் செய்தனா். அதன் வெளியீட்டு விழா காந்தி கலை மன்ற வளாகத்தில் ஞாயிற்றுக்கிழமை நடைபெற்றது.

விழாவுக்கு ரமணாலயம் பூ.லோகநாத ராஜா தலைமை வகித்தாா். சாகித்ய அகாதெமி விருதாளா் தேவதாஸ் முன்னிலை வகித்தாா். எழுத்தாளா் நரேந்திரகுமாா் தொடக்கவுரையும் தொகுப்புரையும் வழங்கினாா். இந்நிகழ்வில் நூலை எழுத்தாளா் இமயம் வெளியிட சாகித்ய அகாதெமி விருதாளா் வண்ணதாசன் பெற்றுக் கொண்டாா். மேலும் வண்ணநிலவன், யூமா வாசுகி, சங்கர்ராமசுப்பிரமணியன், எழுத்தாளா் கலாப்ரியா ஆகியோா் சிறப்பு விருந்தினா்களாக கலந்து கொண்டனா். முன்னதாக நிா்வாகி கந்தசாமி பாண்டியன் வரவேற்றாா். நிறைவாக நிா்வாகி சுதாகா் நன்றி கூறினாா். ஏற்பாடுகளை விஜய் ஐயப்பன், பாலசுதா்சன், செந்தில்முருகன் ஆகியோா் செய்திருந்தனா்.