மாநில சிலம்பப் போட்டிக்கு தோ்வான மாணவருக்குப் பாராட்டு

மாவட்ட அளவிலான சிலம்பப் போட்டியில் தங்கப்பதக்கம் வென்று, மாநிலப் போட்டிக்குத் தோ்வான அருப்புக்கோட்டை மாணவரை ஆசிரியா்கள் பாராட்டினா்.

தமிழக அரசு கல்வித் துறை சாா்பில் விருதுநகா் மாவட்ட அளவிலான சிலம்பப் போட்டிகள் திருத்தங்கல் கே.எம்.கே.ஏ. மெட்ரிக் மேல்நிலைப்பள்ளி மைதானத்தில் கடந்த இரு நாள்களுக்கு முன்பு நடைபெற்றன.

இதில் அருப்புக்கோட்டை எஸ்.பி.கே. பள்ளி 10-ஆம் வகுப்பு மாணவா் ஜி.சபரிபிரசாத் 60 கிலோ எடைப்பிரிவில் சிலம்பம் சண்டையில் தங்கப்பதக்கம் வென்றாா். இதன் மூலம் அரியலூரில் நடைபெற உள்ள மாநில அளவிலான சிலம்பப் போட்டியில் விளையாடத் தகுதி பெற்றாா்.

பள்ளிக்குப்பெருமை சோ்த்த மாணவா் ஜி.சபரிபிரசாத்தையும், அவரது வெற்றிக்கு உறுதுணையாக இருந்த எஸ்பிகே பள்ளி உடற்கல்வி இயக்குநா் எம்.சௌந்திரபாண்டியன் ஆகியோரை

ஏஎன்யுடி உறவின்முறைத் தலைவா் கே.காமராஜன், எஸ்பிகே கல்விக்குழுமத் தலைவா் எம்.ஜெயக்குமாா், பள்ளித் தலைவா் ஆா்.பாபு, செயலா் ஜே.மணிமுருகன், தலைமை ஆசிரியா் ஏ.ஆனந்தராஜன் உள்ளிட்டோா் பாராட்டினா்.