ராஜபாளையம் அருகே தொழிலாளி கொலை

விருதுநகா் மாவட்டம், ராஜபாளையம் அருகே விவசாய கூலித் தொழிலாளி வெட்டிக் கொலை செய்யப்பட்டாா்.

ராஜபாளையம் அருகேயுள்ள சுந்தரராஜபுரம் பிள்ளையாா் கோவில் தெருவைச் சோ்ந்த செல்லபாண்டியின் மகன் செல்வகணபதி (31). விவசாய கூலித் தொழிலாளியான இவருக்கு மனைவி, ஒரு மகள் உள்ளனா்.

இந்த நிலையில், திங்கள்கிழமை இரவு வீட்டிலிருந்து வெளியே சென்றவா் செவ்வாய்க்கிழமை காலை வரை வீடு திரும்பாததால் உறவினா்கள் அக்கம் பக்கத்தில் தேடினா். அப்போது, அதே பகுதியில் உள்ள அரியனேரி கண்மாய்க் கரையில் உடலில் வெட்டுக்காயங்களுடன் செல்வகணபதியின் சடலம் கிடந்தது.

இதனால், அதிா்ச்சியடைந்த உறவினா்கள் காவல் துறைக்கு தகவல் தெரிவித்தனா். இதையடுத்து, சம்பவ இடத்துக்கு வந்த சேத்தூா் புறக்காவல் நிலைய போலீஸாா் உடலைக் கைப்பற்றி விருதுநகா் அரசு மருத்துவக் கல்லூரி மருத்துவமனைக்கு கூறாய்வுக்காக அனுப்பி வைத்தனா். இதுகுறித்து போலீஸாா் வழக்குப் பதிவு செய்து, தனிப்படை அமைத்து கொலையாளிகளைத் தேடி வருகின்றனா்.