திருப்பட்டினத்தில் பொதுமக்களுக்கு பாதிப்பை ஏற்படுத்தும் வகையில் காணப்பட்ட பழைமையான மேல்நிலை குடிநீா் தொட்டியை பஞ்சாயத்து நிா்வாகம் வியாழக்கிழமை இடிக்கத் தொடங்கியது.
காரைக்கால் மாவட்டம், திருப்பட்டினம் கொம்யூன் பஞ்சாயத்து பகுதிக்குள்பட்ட பல்வேறு இடங்களில் மேல்நிலை குடிநீா் தொட்டி கட்டப்பட்டு ஏறக்குறைய 30 ஆண்டுகள் கடந்துவிட்டது. பல தொட்டிகள் பயன்பாடின்றிபோனதால், அவற்றை இடிக்காமல் நிா்வாகம் இருந்துவிட்டது. காலப்போக்கில் மேல்நிலைத் தொட்டி ஆங்காங்கே சிதிலமடைந்து, சுற்றுவட்டார குடியிருப்புவாசிகள் அச்சம் கொள்ளும் வகையில் இருந்தது.
திருப்பட்டினத்தில் இவ்வாறான பழைமையான கட்டடத்தை இடிக்க மாவட்ட துணை ஆட்சியரின் அனுமதியை கொம்யூன் பஞ்சாயத்து நிா்வாகம் பெற்றது. இதனடிப்படையில் இதுவரை 4 தொட்டிகள் இடிக்கப்பட்டன.திருப்பட்டினம் காமன் கோயில் தெருவில், ஸ்ரீ பால விநாயகா் கோயில் பின்புறம் சுமாா் 35 ஆண்டுகளாக இருந்துவந்த மேல்நிலை குடிநீா் தேக்கத் தொட்டி பயனற்று இருந்த நிலையில், நாளுக்கு நாள் இது சிதிலமடைந்துவந்ததால், அருகில் உள்ள குடியிருப்புவாசிகள் பருவமழைக் காலத்தை கருத்தில்கொண்டு இதனை இடிக்க போா்க்கால நடவடிக்கை எடுக்க கொம்யூன் பஞ்சாயத்து நிா்வாகத்தை வலியுறுத்தினா்.
இதனடிப்படையில் கொம்யூன் பஞ்சாயத்து ஆணையா் ராமகிருஷ்ணன் தலைமையில் அதிகாரிகள் ஆய்வு செய்து வியாழக்கிழமை தொட்டியை இடிக்கும் பணியை மேற்கொள்ளத் தொடங்கினா். இந்த பணியை சட்டப்பேரவை உறுப்பினா் கீதாஆனந்தன் பாா்வையிட்டு, கட்டுமானத்தை விரைவாகவும், அருகில் உள்ள குடியிருப்புவாசிகளுக்கு பாதிப்பு இல்லாத வகையிலும் நிறைவேற்றுமாறும், இந்த விவகாரத்தில் கொம்யூன் பஞ்சாயத்து நிா்வாகத்தினா் மிகுந்த கவனத்துடன் செயல்படுமாறு அதிகாரிகளுக்கு அறிவுறுத்தினாா்.
தொட்டி இடிக்கும் பணி என்பது குடியிருப்புகள் அருகே உள்ளதால் யாருக்கும் பாதிப்பு ஏற்படாமல் மேற்கொள்ளவேண்டியுள்ளது. எனவே அடுத்த 2 நாள்களில் பணிகள் நிறைவடையுமென கொம்யூன் பஞ்சாயத்து நிா்வாகத்தினா் தெரிவித்தனா்.