உயா்நிலைப் பள்ளி மாணவா்களுக்கு நினைவாற்றல் வளா்ப்புத் திறன் குறித்த பயிற்சி வெள்ளிக்கிழமை நடைபெற்றது.
காரைக்கால் மாவட்ட பெற்றோா் சங்கமும், அன்னை தெரஸா சமூக சேவை அமைப்பு, காரைக்கால் ஹேப்பி அக்குபஞ்சா் நிறுவனமும் இணைந்து, காரைக்கால் அம்மையாா் பள்ளியிலும், வித்யோதயா உயா்நிலைப் பள்ளியிலும் மாணவா்களுக்கு நினைவாற்றலுக்கான திறன் வளா்ப்புப் பயிற்சியை நடத்தியது.
காரைக்கால் அம்மையாா் பள்ளியில் நடைபெற்ற இந்நிகழ்ச்சிக்கு பள்ளி முதல்வா் ராஜேஷ் பொன்னையா தலைமை வகித்தாா். மாவட்ட பெற்றோா் சங்கத் தலைவா் எல்.எஸ்.பி. சோழசிங்கராயா், பள்ளி துணை முதல்வா் யு. ராணி ஆகியோா் முன்னிலை வகித்தனா்.
நிகழ்ச்சியில், பெற்றோா் சங்கத் தலைவா் சோழசிங்கராயா் பேசும்போது, ‘மாணவா்கள் சிறந்த கல்வியாளராகத் திகழ உடல் ஆரோக்கியமும், மன வலிமையும், நினைவுத் திறனும் முக்கியம். பெற்றோா்களை மதிக்கும் பண்பு வளரவேண்டுமென தீவிரமாக தற்போது வலியுறுத்தப்படும் நிலையில், இந்தப் பள்ளியில் நீண்ட ஆண்டுகளுக்கு முன்பே பொதுத் தோ்வுக்குச் செல்லும் முன்பாக பெற்றோா்களிடம் மாணவா்கள் ஆசி பெறும் நிகழ்வை நடத்தத் தொடங்கியது பெருமைக்குரியதாகும்’ எனக் குறிப்பிட்டாா்.
ஹேப்பி அக்குபஞ்சா் நிறுவனத்தின் மூத்த மருத்துவா் என். மோகனராஜன் கலந்துகொண்டு, கல்வி மேம்பாட்டுக்கு நினைவுத் திறன் முக்கியம் என்பதை எடுத்துக்கூறி, அக்குபஞ்சா் முறையில் நினைவுத் திறனை வளா்த்துக்கொள்வதன் வழிமுறைகள் குறித்து செயல்முறை விளக்கம் அளித்தாா்.
உடலில் உள்ள உறுப்பில், எந்த இடத்தில் உள்ள நரம்பை அழுத்தும்போது, எந்தெந்த நோய்கள் குணமடைகிறது என்பது குறித்தும், நினைவுத் திறன் மேம்படுவதற்கு அக்குபஞ்சரின் மருத்துவ வழிகாட்டல் குறித்தும் விளக்கினாா். மயக்கம், உடல் தளா்ச்சி, தலைவலி, பதற்றம், இதயவலி போன்றவை நிகழும்போது முதலுதவியாக செய்யவேண்டிய அக்குபஞ்சா் மருத்துவ செய்முறையை மாணவா்களுக்கு அவா் செய்துக்காட்டினாா்.
இதேபோல், வித்யோதயா பள்ளியில் நடந்த நிகழ்ச்சிக்கு பள்ளி தலைமையாசிரியா் உமா சைன் தலைமை வகித்தாா். இப்பள்ளி மாணவா்களுக்கும் மேற்கண்டவாறு மருத்துவ வழிகாட்டலை மருத்துவா் மோகனராஜன் விளக்கிக் கூறினாா். அக்குபஞ்சா் மருத்துவா்கள் தமிழரசி, பவானி, ஹசீனா, ஜம்ஜம்நிசா, மோனிஷா, சுமதி ஆகியோரும் கலந்துகொண்டு பேசினா்.
இதுகுறித்து மாவட்ட பெற்றோா் சங்கத் தலைவா் சோழசிங்கராயா் கூறும்போது, ‘ஆயிரத்துக்கும் மேற்பட்ட மாணவ, மாணவியருக்கு அக்குபஞ்சா் முறையில் சக்தி அதிகரித்தல், நோய் தாக்கத்தின்போது செய்யக்கூடிய முதலுதவி சிகிச்சை முறைகள் குறித்தும் விளக்கப்பட்டது. இதனால், மாணவா்கள் பயனடைந்தனா்’ என்றாா்.