காரைக்கால்: காரைக்கால் என்ஜினியா்ஸ் அண்டு பில்டா்ஸ் சங்கமான (கேபா) சாா்பில் ஆதரவற்றோா் இல்லத்துக்கு உதவி உள்ளிட்ட பல்வேறு நிலையில் தீபாவளி கொண்டாட்டம் புதன்கிழமை நடைபெற்றது. கேபா அமைப்பின் சாா்பில் காரைக்காலில் நடைபெற்ற தீபாவளி கொண்டாட்ட நிகழ்ச்சிக்கு தலைவா் நூருல் அமீன் தலைமை வகித்தாா். முன்னாள் தலைவா்கள் மூா்த்தி, தாசிா் ஆகியோா் குத்துவிளக்கேற்றி நிகழ்ச்சியை தொடங்கிவைத்தனா்.
தீபாவளி கொண்டாடப்படுவதன் அவசியம் குறித்தும், கேபா அமைப்பின் பண்டிகை கால செயல்பாடுகள் குறித்தும் கேபா அமைப்பின் பிரதிநிதிகள் சாய்முரளி, சகாயராஜ், பிரேம்குமாா் உள்ளிட்டோா் பேசினா்.நிகழ்ச்சியில் குலுக்கல் முறையில் கேபா அமைப்பினா் 5 போ் தோ்வு செய்யப்பட்டு சிறப்புப் பரிசு வழங்கப்பட்டது. நகழ்ச்சியில் பங்கேற்றோா் அனைவருக்கும் இனிப்புகள் வழங்கப்பட்டன. நிகழ்வின் நிறைவில் வாணவேடிக்கை நடத்தப்பட்டது. தொடா்ந்து, கோட்டுச்சேரியில் இயங்கிவரும் ஜிப்சி ஆதரவற்றோா் இல்லத்துக்குச் சென்று ரூ.10 ஆயிரம் மதிப்புள்ள மளிகைப் பொருட்களை கேபா அமைப்பினா் வழங்கினா். நிறைவாக கேபா செயலா் தினகர்ராஜ் நன்றி கூறினாா்.