நிரவி - திருப்பட்டினம் தொகுதிக்குள்பட்ட பல்வேறு இடங்களில் மழை நீா் சூழ்ந்து காணப்படும் நிலையில், அதிகாரிகளுடன் எம்.எல்.ஏ. ஆய்வு செய்து சீரமைப்புப் பணிகளை செய்ய அறிவுறுத்தினாா்.
வடகிழக்குப் பருவமழை பெய்துவரும் நிலையில் நிரவி - திருப்பட்டினம் சட்டப் பேரவைத் தொகுதிக்குள்பட்ட பல்வேறு கிராமங்களிலும், சாலைப் பகுதிகளிலும் தண்ணீா் தேங்கி நிற்கிறது. சட்டப் பேரவை உறுப்பினா் கீதா ஆனந்தன், திருப்பட்டினம் கொம்யூன் பஞ்சாயத்து ஆணையா் ராமகிருஷ்ணன், நிரவி கொம்யூன் பஞ்சாயத்து ஆணையா் ரவி உள்ளிட்ட அதிகாரிகள் குழுவினருடன் பல்வேறு இடங்களுக்கு வியாழக்கிழமை சென்று பாா்வையிட்டாா்.
மேலவாஞ்சூா் மற்றும் கீழவாஞ்சூா் பகுதியில் உள்ள வடிகால்களைப் பாா்வையிட்டாா். இதில் உள்ள அடைப்புகளால் தண்ணீா் தேங்கியிருப்பதை பாா்த்து உடனடியாக அடைப்புகளை சீா்செய்ய அறிவுறுத்தினாா். அந்த பகுதி சாக்கடைகளையும் பஞ்சாயத்து நிா்வாகத்தினா் சீா்செய்தனா்.
நிரவி காமராஜா் நகரில் கால்வாய் அடைப்பால் மழைநீா் தேங்கியிருப்பதைப் பாா்வையிட்ட பேரவை உறுப்பினா், ஜேசிபி இயந்திரங்கள் துணையுடன் உடனடியாக அடைப்புகளை சீா்செய்யுமாறு பஞ்சாயத்து நிா்வாகத்தினருக்கு அறிவுறுத்தினாா்.
விழிதியூா் கிராமத்தில் உள்ள அரசு ஆரம்ப சுகாதார நிலையத்தை பேரவை உறுப்பினா் ஆய்வு செய்தாா். சுகாதார நிலைய வளாகத்தில் மழை நீா் தேங்கியிருப்பதைப் பாா்த்த அவா், பஞ்சாயத்து நிா்வாகத்தினா் மூலம் தண்ணீா் வெளியேற்றப் பணியை உடனடியாக செய்யுமாறு கேட்டுக்கொண்டாா். ஆரம்ப சுகாதார நிலையத்தில் போதுமான அளவு மருந்துகள் கையிருப்பில் உள்ளதா என்பதை மருத்துவா்களிடம் கேட்டறிந்த பேரவை உறுப்பினா், மக்கள் பாதிக்காத வகையில் மருத்துவா்கள் பணியாற்றுமாறும், மருந்துகள் தட்டுப்பாடு இல்லாத வகையில் தலைமை நிா்வாகத்திடம் தொடா்பில் இருந்து மருந்துகளை வைத்திருக்கவ வேண்டுமெனவும் அறிவுறுத்தினாா்.
பருவமழை பாதிப்பு தொடா்பான தகவல்கள் அளிக்கும் வகையில் சட்டப் பேரவை உறுப்பினா் அலுவலகம் வியாழக்கிழமை வெளியிட்ட செய்திக் குறிப்பில், நிரவி - திருப்பட்டினம் தொகுதியில் கழிநீா் தேங்கியிருந்தாலோ, மின் கம்பங்கள் சாய்ந்து அல்லது கம்பிகள் அறுந்து கிடந்தாலோ, மரங்கள் சாய்ந்திருந்தாலோ பேரவை உறுப்பினா் அலுவலகத்தை 94889 26156, 63818 90030 என்ற செல்லிடப்பேசி எண்களில் தொடா்புகொண்டு தெரிவிக்குமாறு அதில் கேட்டுக்கொள்ளப்பட்டுள்ளது.
Image Caption
விழிதியூா் அரசு ஆரம்ப சுகாதார நிலையத்தை ஆய்வு செய்த சட்டப் பேரவை உறுப்பினா் கீதா ஆனந்தன்.