தீபாவளி: புதுச்சேரிக்கு நாளை முதல் கூடுதல் அரசுப் பேருந்து

தீபாவளிக்காக புதுச்சேரிக்கு வெள்ளிக்கிழமை முதல் கூடுதல் பி.ஆா்.டி.சி. பேருந்து இயக்கப்படவுள்ளதாக காரைக்கால் மாவட்ட நிா்வாகம் தெரிவித்துள்ளது.

இதுகுறித்து புதன்கிழமை வெளியிடப்பட்ட செய்திக் குறிப்பில், வரும் 30 ஆம் தேதி முதல் மாலை 6 மணிக்கு பி.ஆா்.டி.சி. பேருந்து ஒன்று புதுச்சேரி புறப்பட்டுச் செல்கிறது. அதேபோல, 9 மணிக்கு புதுச்சேரியில் பேருந்து புறப்பட்டு காரைக்கால் வந்தடைகிறது. இதற்கான முன்பதிவு பி.ஆா்.டி.சி. அலுவலகத்தில் நடைபெறுகிறது என தெரிவிக்கப்பட்டுள்ளது.

தினமும் காலை 7 மணி, பகல் 12.30 மணிக்கு காரைக்காலில் இருந்து புதுச்சேரிக்கு பி.ஆா்.டி.சி. பேருந்து புறப்பட்டுச் செல்கிறது. அதேபோல, புதுச்சேரியில் காலை 6 மணி, பகல் 1 மணிக்கு புறப்பட்டு காரைக்கால் வந்தடைகிறது.

இந்த நிலையில், தீபாவளியையொட்டி கூடுதலாக ஒரு பேருந்தை புதுச்சேரி - காரைக்காலுக்கு இயக்க அரசு ஏற்பாடு செய்துள்ளது.